باتىس قازاقستان وبلىسى ورال قالاسىنداعى اسكەري قىزمەتشىلەر 9 قاباتتى ۇيدەن شىققان ورتتەن 8 ادامدى قۇتقاردى. سونىڭ 3-ءى بالالار بولاتىن. بۇل تۋرالى Bnews.kz حابارلادى.
كوپقاباتتى ۇيدەن ءورت شىققانىن كورگەن تۇرعىنداردىڭ ءبىرى اسكەري قىزمەتكەرلەردەن كومەك سۇرايدى. ولار سول بويدا كەزەكشى بولىمگە حابارلاسىپ, ءورت ءسوندىرۋ قىزمەتكەرلەرىمەن بىرگە وقيعا ورنىنا جەتەدى.
«ۇيدەگى تۇرعىنداردىڭ ءومىرى مەن دەنساۋلىعىنا قاۋىپ توندىرمەۋ ءۇشىن وقيعا ورنىنا جەتكەن اسكەري جاساق جەدەل تۇردە 8 ادامدى قاۋىپسىز جەرگە كوشىرەدى, ونىڭ ىشىندە ءۇش بالا بار. سودان كەيىن ءورت شىققان پاتەردىڭ ەسىگىن بۇزىپ, اسكەريلەر تجم قىزمەتكەرلەرىمەن بىرلەسىپ م.مەرعاليەۆتى وتتان الىپ شىعادى. جەدەل جاردەم كەلگەنشە اسكەري قىزمەتشىلەر وعان العاشقى مەديتسينالىق كومەك كورسەتتى», -دەلىنگەن حابارلامادا.
اسكەري بورىشىن ۇلگىلى اتقارعان ازاماتتاردى ماراپاتقا ۇسىنۋ تۋرالى شەشىم قابىلداندى.
باقىتبەك كەنەش ۇلى.
دەرەككوز: Bnews.kz
فوتو: Ria.ru.