تۇركىتىلدەس ەلدەردىڭ ىنتىماقتاستىق كەڭەسىنىڭ (تۇركى كەڭەسى) 8-ءشى ءسامميتى 2021 جىلى 12 قاراشادا ىستامبۇلدا وتەتىن بولدى. بۇل تۋرالى تۇركى كەڭەسى باس حاتشى باعدات امىرەەۆ ماجارستاننىڭ سىرتقى ىستەر جانە ساۋدا ءمينيسترى پەتەر سييارتومەن كەزدەسۋىندە مالىمدەدى, دەپ جازادى Egemen.kz تۇركى اكادەمياسىنىڭ ءباسپاسوز قىزمەتىنە سىلتەمە جاساپ.
باس حاتشى ىستامبۇل ءسامميتىنىڭ كۇن ءتارتىبى وتە مازمۇندى بولاتىنىن جانە ۇيىم شەڭبەرىندەگى ىنتىماقتاستىق جاڭا ساتىعا كوتەرىلىپ, تۇركى الەمىندە وڭ وزگەرىستەرگە ىقپال ەتەتىنىن اتاپ ءوتتى.
ەسكە سالا كەتەتىن بولساق, تۇركى كەڭەسى مۇشە ەلدەرى مەملەكەت باسشىلارى 31 ناۋرىز 2021 جىلى بەيرەسمي تۇركىستان سامميتىندە بەينەكونفەرەنتسيا فورماتىندا باس قوسقان بولاتىن.