ەل ءۇمىتى اقتالسا يگى

سايلاۋ ۋچاسكەسى اۋىلداعى اۋىل شارۋاشىلىعى كوللەدجىنىڭ عيماراتىنا ورنالاسقان. ءبىرىنشى قاباتتاعى كەڭ دە جارىق, كە­لىم­دى-كەتىمدى كىسىلەردىڭ داۋىس بە­رۋى­نە قولايلى بولمەدە ساي­­لاۋ كوميسسياسىنىڭ تور­اعا­سى نۇرلان كارىموۆتى جولىق­تىر­دىق. ساعات ونعا دەيىن 646 ساي­لاۋ­شىنىڭ 59-ى داۋىس بەرىپ­تى.   

– سايلاۋشىلاردىڭ بەلسەن­دى­لىگى تومەن ەمەس پە؟ – دەپ سۇرا­دىق ءبىز.

– اۋىل ادامدارى مالدارىن جايلاپ, قويىن قوسىپ, سيىرىن ساۋىپ ءبىر-اق كەلەدى, – دەدى سايلاۋ كوميسسياسىنىڭ توراعاسى.

ۋچاسكەدە 95 جاستاعى گەننا­دي مالاحوۆ ەسىمدى قارت ادامدى جولىقتىردىق.

– ەل پرەزيدەنتىنىڭ وسى باس­تا­ماسى كوڭىلگە قونىمدى, – دەي­دى گەننادي يۆانوۆيچ. – كەڭەس زامانىندا سوۆحوز-تەحنيكۋم بولىپ تۇرعان كەزىمىزدە جۇمىسسىز جۇر­گەن ءبىر ادامدى تابا الماۋ­شى ەدىك, قازىر جاستاردىڭ كو­بى قول قۋسىرىپ قاراپ وتىر. جۇ­­مىس­سىزدىقتىڭ اسەرىنەن كەلەڭ­سىز وقيعالار دا بولىپ جاتادى. ەل سايلاعان اكىم الدىمەن وسى ماسەلەگە كوڭىل بولسە دەر ەدىم.

سايلاۋ ۋچاسكەسىنە تىركەلگەن 24 ادام دەنساۋلىقتارىنا بايلانىستى ۇيلەرىندە داۋىس بەر­مەكشى. راسىندا دا ساي­لاۋ­شى­لار لەگى ساعات وننان اسا كو­بەيە باستادى.  سولاردىڭ ءبىرى – مارات وماروۆتىڭ ايتۋىنا قاراعاندا, وكرۋگتەگى ەڭ باستى ماسەلە – جا­يى­لىم مەن شابىندىق.  ءتورت تۇ­­لىك­تىڭ سۇمەسىمەن كۇن كورىپ وتىر­­عان حالىققا وسىنداي ءتۇ­يىن­دى ماسەلەلەردىڭ شەشىلگەنى كەرەك.

№506 سايلاۋ كوميسسياسى اۋىلداعى ورتا مەكتەپكە ورنالاسىپتى. مۇندا 692 سايلاۋشى تىركەلگەن, 7 ادام ۇيىندە داۋىس بەرەدى. ساعات وننان اسا ەلۋ ادامنىڭ داۋىس بەرگەندىگى بەلگىلى بولدى.

ء–بىزدىڭ سايلاۋشىلارىمىز الىستا تۇرادى. ماسەلەن, وزەننىڭ ارعى بەتىندەگى نۇرلى­كوش ءۇش شاقىرىم جەردە, سوۆەت كوشەسىنىڭ شەتىندەگى اۋماق تا وسى ۋچاسكەگە تىركەلگەن. ول ۇي­­لەر دە ءبىرشاما قاشىقتا. ساي­­لاۋ­شىلار سوندىقتان بوگە­لىپ جاتقان بولۋى مۇمكىن, – دەي­­دى سايلاۋ كوميسسياسىنىڭ تور­اعاسى بۋلات بيماعامبەتوۆ. – حا­لىقتىڭ ءبارى كۇنى بۇرىن قۇ­لاقتاندىرىلعان.

مۇنداعى سايلاۋشىلارمەن دە جۇزدەسىپ, اۋىلداعى شە­شى­مىن تاپپاعان وتكىر ماسە­لە­لەر تۋرالى سۇراپ بىلدىك. وسى وكرۋگ تۇرعىنى شايزادا نۇربولاتتىڭ ايتۋىنشا, تۇر­عىن­داردى جەر جانە جول ماسەلە­سى تولعاندىرادى. حالقى قالاپ سايلاعان وكرۋگتىڭ جاڭا اكىمى وسى ماسەلەلەردى وڭىنان شەشىپ بەرسە, اۋىلدىڭ ايدارىنان جەل ەسەرى انىق.   

جۇرت وزدەرى سايلاعان اكىم­نىڭ جاۋاپكەرشىلىكپەن جۇمىس ىستەيتىندىگىنە سەنىمدى. جالعىز شاعالالى اۋىلىندا عانا ەمەس, وبلىستىڭ 95 سايلاۋ وكرۋگىنە 318 كانديدات ۇسىنىلىپ, ءۇمىت وتى لاۋلاپ تۇر.

وبلىستاعى سايلاۋ ۋچاس­كەلەرىندە 436 بايقاۋشى جۇمىس ىس­تەۋدە. بايقاۋشىلاردىڭ وب­لىس­تىق شتابىنىڭ جەتەكشىسى ەر­لان زاكيريانوۆتىڭ ايتۋىنشا, ساعات 11-گە دەيىن 20385 سايلاۋ­شى داۋىس بەرىپ ۇلگەرگەن. بۇل بارلىق سايلاۋشىلاردىڭ 20,12 پايىزى.

– ءبىز ءاربىر ساعات سايىن باي­قاۋ­شىلاردان اقپارات الىپ وتىر­مىز. تۇتاستاي العان­دا, ناۋ­قان زاڭ شەڭبەرىندە وتكى­زىلۋدە, – دەيدى ەرلان زاكيريانوۆ.

تۇڭعىش رەت ۇيىم­داستى­رىل­عان ساياسي ناۋقاننان جۇرت ۇل­كەن ءۇمىت كۇتىپ وتىر. وزدەرى ساي­لاعان اكىمدەر جەرگىلىكتى جەر­لەردىڭ ۇزاق ۋاقىتتان بەرى قوردالانىپ قالعان ماسەلە­لەرىن شەشىپ بەرسە, ەل بەسىگى – اۋىلدىڭ اجارى كى­رىپ قالماق. ەل ءۇمىتى اقتالسا يگى.

اقمولا وبلىسى