ينتەرناتسيونالنايا كوشەسىندەگى ۇيگەقىلمىسكەرلەر ەسىكتى ارنايى كىلتپەن اشىپ, كۇندىز تۇسكەن. قولدى بولعان اقشالاي قاراجات پەن التىن بۇيىمداردىڭ باعاسى يەسىنىڭ سوزىنە قاراعاندا, 2 ميلليون تەڭگەدەن اسادى. تاعى ءبىر ۇيگە ۇرىلار ەكىنشى قاباتتاعى بالكون تەرەزەسىنەن كىرگەن.
پاتەر ۇرىلارى ابدەن ماشىقتانعاندار بولعانىنا قاراماستان پوليتسيا ولاردىڭ ىزىنە تۇسە ءبىلدى. وبلىستىق پوليتسيا دەپارتامەنتى جانە پەتروپاۆل قالاسى پب جەدەل ۋاكىلدەرى كۋاگەرلەردىڭ تۇسىنىكتەمەلەرىن, وقيعا ورىندارىنان جاقىن جەردە ورنالاسقان بەينە باقىلاۋ كامەرالارىنىڭ جازبالارىن ەگجەي-تەگجەيلى زەردەلەپ جانە بۇرىن وسىنداي قىلمىستار جاساعانى ءۇشىن ءىستى بولىپ, جاقىندا تۇرمەدەن كەلگەندەردى تەكسەردى. ناتيجەسىندە, كۇدىك جەلتوقسان ايىندا تۇرمەدەن بوساپ شىققان, ناركولوگيالىق ورتالىقتا ەسەپتە تۇرعان 36 جاستاعى قالا تۇرعىنىنا تۇسەدى. ەكىنشى كۇدىكتى بۇرىن سوتتى بولعان ونىڭ 34 جاستاعى تانىسى بولىپ شىقتى. ولار 14 شىلدە كۇنى ۇستالدى. كۇدىكتىلەرگە قاتىستى قاماۋعا الۋ تۇرىندەگى بۇلتارتپاۋ شاراسى قولدانىلدى. قازىر قىلمىستىق كودەكستىڭ 188-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋ باستالدى. ۇرلانعان زاتتاردىڭ ءبىر بولىگى قالا لومباردتارىنان الىندى.«قازىرگى ۋاقىتتا ىستە 6 ەپيزود بار, پەتروپاۆل قالاسى تۇرعىندارىنا كەلتىرىلگەن شىعىن سوماسى 3 ميلليون 190 مىڭ تەڭگەنى قۇرايدى», دەيدى پوليتسيا دەپارتامەنتى باستىعىنىڭ ورىنباسارى,پوليتسيا پولكوۆنيگى رۋسلان نازاروۆ.