سەنات دەپۋتاتى سۇلتان دۇيسەمبينوۆ الماتى وبلىسىنىڭ تالدىقورعان قالاسىندا بولدى, دەپ جازادى Egemen.kz سەناتتىڭ ءباسپاسوز قىزمەتىنە سىلتەمە جاساپ.
سەناتور كوپپاتەرلى تۇرعىن ءۇيدىڭ قۇرىلىسىمەن جانە قالالىق ورتالىق قازاندىقتىڭ قايتا جوندەلۋ بارىسىمەن تانىستى. وندا قۇرىلىس جۇمىستارىنىڭ ساپاسىن قاتاڭ باقىلاۋ قاجەتتىگىنە جەرگىلىكتى اتقارۋشى ورگانداردىڭ نازارىن اۋداردى.
سەناتور سونىمەن قاتار ەركىن اۋىلىنداعى دارىگەرلىك امبۋلاتوريا ۇجىمىمەن دە كەزدەستى. دەپۋتات سەنات وسى سەسسيادا ەلىمىز حالقىنىڭ ومىرىن جاقسارتۋعا باعىتتالىپ قابىلداعان جاڭا زاڭدار تۋرالى اۋىل تۇرعىندارىنا ايتىپ بەردى. سەناتور سونداي-اق كوروناۆيرۋس ينفەكتسياسىنىڭ الدىن الۋ شارالارىنىڭ ماڭىزدىلىعىن دا اتاپ ءوتتى.
«كوروناۆيرۋس پاندەمياسىمەن كۇرەس تاقىرىبىن توسىرقاماي, ۆاكتسيناتسيا جۇرگىزۋگە ەرەكشە نازار اۋدارىپ, حالىققا ۇنەمى اۋقىمدى ءتۇسىندىرۋ جۇمىستارىن جۇرگىزۋ قاجەت», دەپ اتاپ ءوتتى سۇلتان دۇيسەمبينوۆ.