سەناتور دۇيسەنعازى مۋسين ورمان ورتىنەن زارداپ شەككەن ادامدارعا ارنالعان ۇيلەر قۇرىلىسىمەن تانىستى, دەپ جازادى Egemen.kz سەناتتىڭ ءباسپاسوز قىزمەتىنە سىلتەمە جاساپ.
سەناتور دۇيسەنعازى مۋسين شىعىس قازاقستان وبلىسىنا ساپارپى بارىسىندا, وبلىستىق ءماسليحاتىنىڭ باسشىلىعىمەن كەزدەسىپ, زاڭ جوبالارىن ساپالى پىسىقتاۋ جانە جەرگىلىكتى جەرلەردەگى پروبلەمالاردى جۇيەلى شەشۋ ءۇشىن بىرلەسكەن جۇمىس قاجەت ەكەنىن اتاپ ءوتتى.
4-ءشى دەڭگەيدەگى بيۋدجەتتى يگەرۋ جانە اۋىلدىق اۋماقتاردى دامىتۋ پروبلەمالارى وسىنداي ماسەلەلەردىڭ ءبىرى بولىپ وتىر. دۇيسەنعازى مۋسين وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ قىزمەتكەرلەرىمەن كەزدەسۋ بارىسىندا قالىپتاسقان جاعدايدى شەشۋ جولدارىن تالقىلادى.
سەناتور سونداي-اق ريددەر قالاسىندا بولىپ, وندا ءىرى ورمان ورتىنەن زارداپ شەككەن تۇرعىندارعا ارنالعان ءۇي قۇرىلىسىنىڭ بارىسىمەن تانىستى. قۇرىلىستىڭ ساپالى بولۋىنا ەرەكشە نازار اۋدارىپ, 32 تۇرعىن ءۇيدىڭ قۇرىلىسى جوعارى قارقىنمەن ءجۇرىپ جاتقانىن اتاپ ءوتتى.
دەپۋتات قالانىڭ الەۋمەتتىك ماڭىزى بار نىساندارىنىڭ قۇرىلىس الاڭدارىندا دا بولدى.
د.مۋسين قالا اكىمىمەن كەزدەسۋ بارىسىندا سەمەي قالاسىنىڭ الەۋمەتتىك-ەكونوميكالىق دامۋىنىڭ نەگىزگى ماسەلەلەرىن تالقىلادى. حالىقپەن كەزدەسۋ كەزىندە كوتەرىلگەن بارلىق ماسەلەلەر زاڭ شىعارۋ قىزمەتىندە پايدالانىلاتىنىن اتاپ ءوتتى.