اۋعانستاننىڭ 15 پروۆينتسياسىندا سوڭعى تاۋلىكتە ۇكىمەتتىك كۇشتەر مەن تاليبان قوزعالىسىنىڭ وتريادتارى اراسىندا بولعان شايقاس كەزىندە 271 تاليبان ءولتىرىلدى, 162-ءسى جاراقات الدى. بۇل تۋرالى اۋعانستان قورعانىس مينيسترلىگىنىڭ حابارلاماسىندا ايتىلعان, دەپ جازادى Egemen.kz.
اسكەري ءىس-قيمىل ايماقتارىندا 18 جارىلعىش قۇرىلعى تابىلىپ, زالالسىزداندىرىلدى.
وسى ۋاقىتتا اۋعانستاننىڭ ەڭ قاۋىپسىز پروۆينتسيالارىنىڭ ءبىرى – حازار حالقى وكىلدەرى قونىستانعان باميان قالاسى ۋەزدەرىنىڭ ءبىرىن تاليبان سودىرلارى باسىپ العانى تۋرالى حابارلاما كەلدى.
باميان پروۆينتسياسى كەڭەسى باسشىسىنىڭ ورىنباسارى ابدۋل احمەت بينەۆانىڭ ايتۋىنشا, اسكەري كۇشتەردەن كەرى شەگىنگەن سودىرلار كاحمارد ايماعىنا شابۋىل جاساعان.
ونىڭ ايتۋىنشا, سودىرلار كوپتەگەن مولشەردە قارۋ-جاراق پەن وق-ءدارى تاركىلەگەن.