كەشە اقپارات جانە قوعامدىق دامۋ ءمينيسترى ايدا بالاەۆا بۇۇ بالالار قورىنىڭ (UNICEF) قازاقستانداعى وكىلدىگىنىڭ باسشىسى ارتۋر ۆان ديزەنمەن كەزدەستى.
كەزدەسۋ بارىسىندا تاراپتار قازاقستان ۇكىمەتى مەن UNICEF-ءتىڭ 2021-2025 جىلدارعا ارنالعان ەلدىك باعدارلاماسى شەڭبەرىندەگى باسىم باعىتتاردى ىسكە اسىرۋ ماسەلەلەرىن تالقىلادى.
ايدا بالاەۆا مينيسترلىكتىڭ جەتەكشىلىك ەتەتىن باعىتتارى بويىنشا جۇرگىزىلىپ جاتقان اۋقىمدى جۇمىستارى تۋرالى, اتاپ ايتقاندا, جالعان اقپاراتپەن جۇمىس ىستەۋ جانە COVID-19 ديناميكاسى مەن اۋقىمى تۋرالى حالىقتى ۇنەمى حاباردار ەتۋ, زاڭنامالىق بازانى جەتىلدىرۋ, تۇراقتى دامۋ ماقساتتارىن ىسكە اسىرۋ جانە مەملەكەت باسشىسىنىڭ ۆولونتەرلەردى جۇمىلدىرۋدىڭ حالىقارالىق جىلىن بەلگىلەۋ جونىندەگى باستاماسىن ىلگەرىلەتۋ تۋرالى ايتىپ بەردى.
ءوز كەزەگىندە ارتۋر ۆان ديزەن بالالار تاربيەسى, اتا-انا داعدىلارىن نىعايتۋ, بالالاردى زورلىق-زومبىلىقسىز تاربيەلەۋ, گەندەرلىك تەڭدىك جانە بالالاردى قولايلى ورتاعا تاربيەلەۋ تاسىلدەرى, جاستار اراسىندا الەۋمەتتىك-باعدارلانعان ۆولونتەرلىكتى دامىتۋ سياقتى باعىتتار بويىنشا ودان ءارى ىنتىماقتاستىق جوسپارلارى تۋرالى ايتىپ بەردى.
كەزدەسۋ سوڭىندا تاراپتار بالالار مەن جاستار ماسەلەلەرى بويىنشا بىرلەسكەن جوبالاردا ءوزارا ىنتىماقتاستىقتى ودان ءارى جالعاستىرۋعا نيەت ءبىلدىردى.
«ەگەمەن-اقپارات»