اۋعانستاننىڭ وڭتۇستىگىندەگى گيلمەند پروۆينتسياسىندا جول بويىنداعى مينانىڭ جارىلۋى سالدارىنان جەتى ادام قازا تاۋىپ, ءۇش ادام جاراقات الدى. قازا تاپقان ادامدار سانىندا وزگەرىس بولۋى مۇمكىن. بۇل تۋرالى دۇيسەنبىدە اۋعانستاننىڭ 1TV تەلەارناسى حابارلاعان, دەپ جازادى Egemen.kz.
ونىڭ ايتۋىنشا, وقيعا جۇما كۇنى تاڭەرتەڭ بولعان, قۇرباندار تۋرالى اقپارات بىرنەشە كۇننەن كەيىن عانا جاريالانعان.
ال TOLOnews تەلەارناسى مەديتسينا قىزمەتكەرلەرىنە سىلتەمە جاساپ, گيلمەند پروۆينتسياسىنداعى لاشكارگاح قالاسىندا جول بويىندا بولعان تاعى ءبىر مينا جارىلىسى تۋرالى حابارلايدى. ونىڭ ايتۋىنشا, ءتورت بەيبىت تۇرعىن قازا تاۋىپ, تاعى التى ادام جاراقات العان.