جىل باسىنان بەرى رف-نىڭ پوليتسەيلەرى ىزدەۋ جاريالاعان 12 قىلمىسكەر سقو اۋماعىندا ۇستالدى, Egemen.kz.
ولاردىڭ كوبى ومبى وبلىسىندا قىلمىستار جاساعانى ءۇشىن ىزدەۋدە بولعان. الايدا قازاقستانمەن شەكتەسپەيتىن ايماقتاردا دا ىزدەۋ سالىنعاندار بار. ماسەلەن, كالينينگراد, چەليابى, ۆلاديمير وبلىستارىندا ىزدەۋ جاريالانعاندار دا سقو-نى ساعالاپتى.
سولاردىڭ ىشىندە 42 جاستاعى ەر ادام شەكارانى زاڭسىز كەسىپ وتكەنى ءۇشىن رەسەيلىك قۇقىق قورعاۋ ورگاندارى قىزمەتكەرلەرىنىڭ نازارىنا ىلىككەن. ال 26 جاستاعى ءبىزدىڭ جەرلەسىمىز ومبىدا ەسىرتكى قىلمىستارىن جاساعانى ءۇشىن ىزدەستىرىلگەن ەكەن. ۇستالعان ادامداردىڭ ءبىرازى اۋىر دەنە جاراقاتتارىن كەلتىرۋ, بيلىك وكىلىنە قاتىستى كۇش قولدانۋ, زاڭسىز كوشى-قوندى ۇيىمداستىرۋ سياقتى قىلمىستار جاساعان.