ۆيرۋس جۇقتىرۋ ازايماي تۇر

– جاقىندا مونيتورينگ تو­بى وسىنداي 74 ءىس-شارانى انىق­تادى. بۇل بىلتىرعى وسى كەزەڭ­دە ىندەتتىڭ ورشىگەنىن ۇمىت­قا­نىمىزدى بايقاتادى. سون­دىقتان تۇرعىنداردىڭ شەكتەۋ شارالارىن ساقتاپ, ۆاكتسينا العانى ءجون, – دەيدى م.تاناۋوۆ.

ال وبلىستىق دەنساۋلىق ساق­تاۋ باسقارماسى باسشىسىنىڭ ورىنباسارى قايسار ابداليەۆتىڭ مالى­مەتىنشە, اتىراۋدا ماۋسىم­نىڭ سوڭى مەن شىلدەنىڭ باسىن­دا­ كوروناۆيرۋس ينفەكتسيا­سىن­ جۇقتىرعاندار سانى 35,9%-عا وسكەن. ماسەلەن, 28 ماۋ­سىمدا قاۋىپتى ۆيرۋستى 66 ادام جۇق­تىرعان. ال 1 شىلدەدە – 103, 2 شىل­دە­دە 137 جاعداي انىقتالعان.

– قازىر وڭىردە 2 098 توسەكتىك 10 ينفەكتسيالىق ستاتسيونار دا­يىن­­­دالدى. ونىڭ ىشىندە اتى­راۋ قا­لاسىندا 460 توسەكتىك ورنى بار ءۇش ستاتسيونار, تەڭىز كەن ور­نىندا 1 360 توسەكتىك ورىن­دىق ستا­تسيونار, جەتى اۋداندا 278 تو­سەكتىك ورىنعا ارنالعان ستا­تسيو­نار جۇمىس ىس­تەيدى. ال رەاني­ما­تسيالىق توسەكتىك ورىن سانى – 81. بۇعان قوسا, 750 توسەكتىك ورىندىق قوسىم­شا رەزەرۆ­تىك ينفەكتسيالىق ستاتسيونار دا­يىن تۇر, – دەيدى ق.ابداليەۆ.

ونىڭ ايتۋىنشا, 2 شىلدەدە مودۋلدىك اۋرۋحاناداعى توسەكتىك ورىننىڭ 90 پايىزىنا ناۋقاستار جاتقىزىلىپتى. جان­ساقتاۋ بو­لىمىنە 24 پاتسيەنت تۇس­كەن. ونىڭ جيىرماسى اۋىر حالدە جاتىر. جاعدايى وتە اۋىر ءتورت ناۋقاس وك­پەنى جاساندى جەلدەتۋ اپپاراتىنا قوسىلىپتى.

شىندىعىندا, اتىراۋدا سوڭ­عى كۇندەرى كوروناۆيرۋس ينفەك­تسيا­سىنا شالدىعۋ دەرەگى ۇدەپ بارادى. ماسەلەن, 3 شىلدەدە قاۋىپتى ۆيرۋستى جۇقتىرعاندار اتىراۋ قالاسىندا, جەتى اۋدان مەن تەڭىز كەنىشىندە تىركەلدى.

– بۇل تاۋلىكتە 154 ادامنان كوروناۆيرۋس ينفەكتسياسى انىق­تالدى. ونىڭ ىشىندە 99 ناۋقاس – اتىراۋ قالاسىنىڭ تۇرعى­نى. سونداي-اق قۇرمانعازى اۋدا­نىن­دا – 11, جىلىويدا – 11, يساتايدا – 7, يندەردە – 7, قىزىل­قوعادا – 7, ماحامبەتتە – 4, ماقات اۋدانىندا 2 ادامنان ۆيرۋس بەلگىسى تابىلدى. ال تەڭىز كەنىشىندە 6 جۇمىسشى قاۋىپ­تى ىندەتكە شالدىقتى, – دەپ ءما­لىم ەتتى باسقارمانىڭ ءباسپاسوز قىزمەتىنەن.

وسىعان بايلانىستى وڭىردەگى ينفەكتسيالىق ستاتسيونارلاردا جاتقان ناۋقاستاردىڭ سانى 518 ادامعا جەتكەن. ونىڭ ىشىندە مودۋلدىك اۋرۋحانادا – 182, №2 وبلىستىق اۋرۋحانادا – 140, اۋداندارداعى ستاتسيونارلاردا – 119, تەڭىز كەن ورنىنداعى ستاتسيو­ناردا 52 ادام ەمدەلىپ جاتىر. قا­زىر ءۇي جاعدايىندا ەمدەلۋگە 512 ادام وقشاۋلانعان.

وسىنداي دەرەكتەرگە قارا­ماس­تان, كوروناۆيرۋس ينفەكتسيا­سىنا قارسى ۆاكتسينا سالدىرۋ قار­قىن الا باستاعانى بايقالادى. ەلى­مىزدە جاپپاي ۆاكتسينالاۋ باس­تالعان 1 اقپاننان 3 شىلدەگە دەيىن 94 340 اتىراۋلىق قاۋىپتى ۆيرۋسقا قارسى ۆاكتسينالاردىڭ ءى كومپونەنتىن سالدىردى. ۆاكتسي­نالاردىڭ II كومپونەنتىن 51 633 ادام ەكتىردى. ال 3 شىلدەدە سپۋت­نيك V, QazVac, نayat Vax ۆاكتسينالارىنىڭ I كومپونەنتىن 3 611 اتىراۋلىق سالدىردى. ەك­پە العانداردىڭ قاتارىندا 212 دارىگەر, 285 پەداگوگ, 38 ستۋدەنت, ارنايى مەكەمەلەردىڭ 27, قۇ­قىق قورعاۋ ورگاندارىنىڭ 21 قىز­مەتكەرى, 61 مەملەكەتتىك قىز­مەتشى, 175 سوزىلمالى سىر­قاتقا شالدىققان 175 ادام مەن جەرگىلىكتى 2 792 تۇرعىن بار.

وڭىردەگى ەپيدەميالىق احۋال­دىڭ كۇردەلەنۋىنە باي­لانىس­تى باس سانيتار دارىگەر م.تاناۋوۆ كارانتيندىك شەك­تەۋلەردى كۇشەي­تەتىن جاڭا قاۋ­لىعا قول قويدى. جاڭا قاۋلى 5 شىلدەدە كۇشىنە ەندى.

– ساۋدا ۇيلەرى مەن ساۋدا-ويىن ساۋىق ورتالىقتارىنا (پاۆيلوندار, بۋتيكتەر), ساۋدا جەلىلەرىنە ساعات 10.00-دەن 19.00-گە دەيىن (تولتىرىلۋى وبەكت سىيىمدىلىعىنىڭ 30%-نان اسىرماي, 1 كەلۋشىگە 4 شارشى مەتردەن كەم ەمەس) تەك قانا جۇمىس كۇندەرى جۇمىس ىستەۋىنە رۇق­سات ەتىلەدى. بۇل رەتتە ولاردا ورنالاسقان اتتراكتسيونداردىڭ, ويىن الاڭدارىنىڭ, ويىن ور­تالىقتارىنىڭ, قوعامدىق تاماق­تاندىرۋ وبەكتىلەرىنىڭ جۇمى­سىنا تىيىم سالىنادى, – دەلىنگەن قاۋلىدا.

سونداي-اق سۇلۋلىق سالوندارى, شاشتارازدار, كوس­مەتو­لوگيالىق قىزمەت كورسەتەتىن نىسانداردىڭ جۇمىس كۇندەرى ساعات 09.00-دەن 19.00-گە دەيىن, سپورت كەشەندەرى, فيتنەس-ور­تالىقتار, فيتنەس-كلۋبتار, يوگا ورتالىقتارى, سپورتتىق-ساۋىق­تىرۋ نىساندارى (ولاردا ورنالاستىرىلعان باسسەيندەر, ساۋ­نالار, سپا, ماسساج, پيلينگ), ساۋنالار, سپا-ورتالىقتار, باسسەيندەر جۇمىس كۇندەرى ساعات 07.00-دەن 22.00-گە دەيىن جۇمىس ىستەيدى. ال اshyq جوباسىنا قا­تىساتىن نىسانداردىڭ جۇمىس رەجىمى ساعات 07:00-دەن 24:00-گە دەيىن سوزىلادى.

ال 5 شىلدەدە تاعى دا 149 اتى­راۋلىق قاۋىپتى ۆيرۋستى جۇق­تىردى.

اتىراۋ وبلىسى