قىزىلوردا قالاسىندا قۇتقارۋشىلار بۇگىن 31 جاستاعى ازاماتتىڭ دەنەسىن سىرداريا وزەنىنىڭ بەتىندە قالقىپ جۇرگەن جەرىنەن تاۋىپ الدى, دەپ حابارلايدى Egemen.kz.
1990 جىلعى ازامات ەكى كۇندەي بۇرىن داريانىڭ «مەرەي» شاعىن اۋدانى اۋماعىندا بەلگىلەنبەگەن جەردە سۋعا باتىپ كەتكەن. قۇتقارۋشىلار داريادا ەكى كۇن بويى ىزدەۋ جۇمىستارىن جۇرگىزدى. ناتيجەسىندە ازاماتتىڭ دەنەسى بۇگىن, 7 شىلدەدە ساعات 5.30-دا وقيعا ورنىنان 1 شاقىرىمداي قاشىقتىقتا سۋ بەتىندە قالقىپ جۇرگەن جەرىنەن تابىلدى.
تاعى ءبىر وقيعا, 6 شىلدەدە «دوموسترويتەل» ساياجايىنىڭ اۋماعىندا بولعان. سول اۋماقتا 1955 جىلعى ازامات 12.35-تە سۋعا باتىپ كەتكەن. قۇتقارۋشىلار كومەگىمەن 66 جاستاعى ازاماتتىڭ دەنەسى ساعات 13.13-تە سۋدان شىعارىلدى.
«قازىر وڭىردە اپتاپ ىستىق بايقالىپ تۇر. سوندىقتان تۇرعىنداردان بارلىق قاۋىپسىزدىك شارالارىنا نازار اۋدارۋىن سۇرايمىز», دەدى وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنىڭ مامانى ءاليا ەرەجەپوۆا.