سونىڭ ءبىرى 23 جاسار پوليتسيا قىزمەتكەرى, پوليتسيا سەرجانتى باقىتجامال كۇتكەنوۆا پەتروپاۆل قالالىق پب جەدەل باسقارۋ ورتالىعىندا «102» ارناسىنىڭ وپەراتورى بولىپ جۇمىس ىستەيدى, دەپ حابارلايدى Egemen.kz.
كۇن سايىن پوليتسياعا ونداعان ادام جۇگىنەدى. كۇتپەگەن جاعدايلار ورىن الىپ جاتادى, وپەراتور ءۇشىن ەڭ باستىسى – جەدەل كومەك كورسەتۋدى ءجىتى ۇيىمداستىرۋ. «بىردە ءبىر ايەل ادام قوڭىراۋ شالىپ, پەتروپاۆلداعى بازارلاردىڭ بىرىندەگى قىزمەتتىك ءۇي-جايدا كىلتتەنىپ قالعانىن ايتتى. ول جەرگە پاترۋلدىك پوليتسيا باتالونىنىڭ قىزمەتكەرلەرىن جىبەرۋگە تۋرا كەلدى», - دەيدى باقىتجامال. كەيدە ادامداردىڭ تاعدىرلارى وپەراتورلاردىڭ جەدەل ءارى كاسىبي ءىس-قيمىلدارىنا تاۋەلدى بولىپ جاتادى. بۇل قۇقىقتىق ءتارتىپ ورگاندارىندا الدىڭعى شەپتە تۇراتىندارعا نەگىزگى مىندەت بولىپ تابىلادى.
جاڭا استانادا باقىتجامال العاشقى رەت جەتى جاسىندا بولعان. العاشقى ساپارىنان ەسىندە ەشتەڭە قالماپتى. الايدا جىلدا نۇر-سۇلتانعا بارعان سايىن اسەم-استانانىڭ كوركەم جەرلەرىمەن تانىسىپ, ءوزى ءۇشىن جاڭا قىرلارىن اشادى. «بارلىعىن استانا مەرەكەسى كۇنىمەن قۇتتىقتايمىن. استانامىز جيىرما جىلدىڭ ىشىندە ادام تانىماستاي بولىپ وزگەر اسەم قالا. كوپقاباتتى ءزاۋلىم ۇيلەر, كەڭ كوشەلەر, اسەم دەمالىس ورىندارى, كوركىنە كوز تويمايتىن ارحيتەكتۋرالىق انسامبلدەر», دەپ تاڭقالىسىن جاسىرمايدى جاس قىزمەتكەر.