Fintech Hub AIFC Mastercard جانە ينتەرنەت باستامالارىن دامىتۋ قورىمەن (رف) بىرلەسە وتىرىپ, قازاقستان بانكتەرىنە ارنالعان العاشقى فينتەح اكسەلەراتورىن ىسكە قوسادى, دەپ جازادى Egemen.kz.
«استانا» حالىقارالىق قارجى ورتالىعىنىڭ جىل سايىنعى Astana Finance Days IV كونفەرەنتسياسى اياسىندا Mastercard حالىقارالىق تولەم جۇيەسىنىڭ قولداۋىمەن كورپوراتيۆتىك يننوۆاتسيالارعا ارنالعان پانەلدىك سەسسيا ءوتتى.
جيىنعا Mastercard ورتالىق ازيا بويىنشا باس ديرەكتورى رافال ترەپكا , ۆتب اكسەلەراتورىنىڭ پيلوتتىق جوبالارىنىڭ جەتەكشىسى ماريا گورينا, Ovision كومپانياسىنىڭ كوممەرتسيالىق ديرەكتورى جانە تەڭ قۇرىلتايشى ميحايل كوزلوۆ, اك بارس بانكىنىڭ يننوۆاتسيالار جونىندەگى ديرەكتورى دامير گاليەۆ جانە ينتەرنەت باستامالاردى دامىتۋ قورىنىڭ كورپوراتيۆتىك باعدارلامالار دەپارتامەنتىنىڭ ديرەكتورى يرينا تاراسوۆا قاتىستى. ولار ءوز تاجىريبەسىن ءبولىسىپ, قارجىلىق كورپوراتسيالار مەن ستارتاپتار اراسىنداعى تابىستى ىنتىماقتاستىق تۋرالى ايتتى.
ءىس-شارا بارىسىندا احقو Fintech Hub قازاقستان بانكتەرى ءۇشىن العاشقى فينتەح اكسەلەراتورىنىڭ ىسكە قوسىلعانى تۋرالى حابارلادى. باعدارلاما Mastercard جانە ينتەرنەت باستامالاردى دامىتۋ قورىمەن (فري) بىرلەسىپ جۇزەگە اسىرىلىپ جاتىر.
اكسەلەراتوردىڭ ماقساتى - بانكتەردىڭ وزەكتى بيزنەس-سۇرانىستارىنا قازاقستان مەن تمد ەلدەرىنىڭ قارجىلىق تەحنيكالىق ستارتاپتارىنىڭ ۇزدىك تەحنولوگيالىق شەشىمدەرىن تارتۋ جانە پيلوتتاۋ, بولاشاقتا ستارتاپتارمەن جۇمىس ىستەۋدىڭ جەكە باعدارلامالارىن جۇرگىزۋ ءۇشىن بانكتەردىڭ يننوۆاتسيالىق كوماندالارىن وقىتۋ, قارجى سەكتورىندا اشىق يننوۆاتسيالار پراكتيكاسىن دامىتۋ جانە قازاقستان بانكتەرىن تەحنولوگيالىق تۇرعىدا جەتىلدىرۋ.
«قازاقستان — Mastercard ءۇشىن باسىم نارىقتاردىڭ ءبىرى. حالىقارالىق تاجىريبەمىزگە, قاۋىپسىز جانە سەنىمدى تەحنولوگيالارعا سۇيەنە وتىرىپ, سەرىكتەستەرىمىزدىڭ ودان ءارى دامۋىن قولدايمىز. مەن بۇل بىرلەسكەن جوبا جاڭا ونىمدەر مەن قىزمەتتەردىڭ پايدا بولۋىنا ىقپال ەتەتىنىنە, يننوۆاتسيالىق بيزنەس-جوبالاردىڭ قاينار كوزىنە اينالاتىنىنا, ال جالپى العاندا قولما-قول اقشاسىز ەكونوميكانىڭ ودان ءارى دامۋىنا جاردەمدەسەتىنىنە سەنىمدىمىن», دەيدى ورتالىق ازياداعى Mastercard باس ديرەكتورى رافال ترەپكا.
فري كورپوراتيۆتىك باعدارمالار دەپارتامەنتىنىڭ ديرەكتورى يرينا تاراسوۆانىڭ ايتۋىنشا, باعدارلامادا جەتەكشى رەسەيلىك كورپوراتسيالارمەن, سونىڭ ىشىندە رەسەيدەگى ەڭ ۇزدىك 20 بانكپەن جۇمىس ىستەۋ بارىسىندا جيناقتالعان فري تاجىريبەسى قولدانىلادى.
«بۇل قازاقستاننىڭ فينتەح ورتاسىندا يننوۆاتسيالىق جۇيەنى دامىتۋعا پايدالى بولاتىنىنا سەنىمدىمىز. ءبىرىنشى بانكتىك اكسەلەراتور اياسىندا ءبىز يننوۆاتورلار مەن بيزنەس-تاپسىرىس بەرۋشىلەردىڭ كوماندالارىن وقىتامىز, بانكتەردىڭ سۇرانىسىن تۇجىرىمداۋعا, ستارتاپتاردىڭ ءتيىستى شەشىمىن تابۋعا كومەكتەسەمىز», دەيدى ول.