سولتۇستىك قازاقستان وبلىسى «جاسىل» ايماق پەن «سارى» ايماقتىڭ شەكارالىق شەگىندە تۇر. بۇل ءالى «سارى» ايماققا ەنبەگەنمەن «جاسىلدىڭ» شەگىنە جەتتى دەگەن ءسوز, دەپ حابارلايدى Egemen.kz.
وسى كۇنگە دەيىن جامان ىندەت شىققان ادامدار سانى تاۋلىگىنە 10 ادامنىڭ شەگىندە بولسا سوڭعى كۇنى 27-گە جەتتى. ونىڭ 19-دا اۋرۋ بەلگىلەرى بولىپ, 8-دە بەلگىلەرى بولماعان. بۇگىن ايماقتىق كوممۋنيكاتسيالار قىزەتىندە بولعان بريفينگتە بۇل تۋرالى سقو سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى اسەت جۇماتاەۆ پەن وبلىستىق دەنساۋلىق ساقتاۋ باسقارماسى باستىعىنىڭ مىندەتىن اتقارۋشى نۇرلان ايمانوۆ ءمالىم ەتتى.
ىندەت جۇقتىرعان 27 ادامنىڭ 11 پەتروپاۆل قالاسىنان, قىزىلجار مەن ايىرتاۋ اۋداندارىنان ءتورت-تورتتەن, قالعاندارى تايىنشا, ع.مۇسىرەپوۆ, ءۋاليحانوۆ جانە ەسىل اۋداندارىنان شىققان. وسىنداي جاعدايدان كەيىن وڭىردەگى ەپيدەميولوگيالىق احۋال تۇراقسىز دەپ باعالانىپ وتىر.
ىندەت تارالىمىنىڭ ءوسۋى رەسپۋبليكا اۋماعىنداعى «دەلتا» شتاممنىڭ اينالىمىمەن, سونداي-اق حالىقتىڭ كارانتيندىك شارالاردى ساقتاۋ جونىندەگى ءتارتىبىنىڭ تومەندەۋىمەن بايلانىستى بولىپ وتىر. كۆي ناۋقاستارىنان الىنعان وڭ زەرتحانالىق ۇلگىلەردىڭ پتر سكرينينگىنىڭ ناتيجەلەرى بويىنشا 4 ۇلگىدەگى "دەلتا" شتاممىنا ء("ۇندى" شتاممىنا) ءتان مۋتاتسيا ىقتيمالدىعى انىقتالدى.
بۇگىنگى جامان ىندەتتىڭ ەرەكشەلىكتەرى قاتارىندا كلينيكالىق سيمپتوماتيكانىڭ ەرتە مانيفەستاتسياسىن, ينكۋباتسيالىق كەزەڭنىڭ - 5 كۇنگە دەيىن قىسقارتىلۋىن ايتۋعا بولادى. سونىمەن قاتار قازىر وكپەدەن تىس تۇرلەرىنىڭ جيىلەۋى جانە كەيبىر جاعدايلاردا ىشەك سيمپتومدارى باسىم بولىپ كەلەدى. وكپەنىڭ زاقىمدانۋ ايماعىنىڭ ۇلعايۋىمەن اۋرۋدىڭ تەز دامۋى جانە جاس ادامداردىڭ ۇلەس سالماعىنىڭ ارتۋى دا كوزگە تۇسەدى. سونداي-اق بالالار مەن جۇكتى ايەلدەردىڭ سىرقاتتانۋى, جۇرەك-تامىر جۇيەسىنىڭ اسقىنۋلارى ءجيى كەزدەسەدى.
قالىپتاسقان احۋالعا وراي 5 شىلدەدەن باستاپ مىناداي شەكتەۋلەر ەنگىزىلەدى:
1) جابىق ءۇي-جايلارداعى بيليارد, بوۋلينگ, بالالاردىڭ ويىن الاڭدارى مەن اتتراكتسيوندارىنىڭ, باتۋتتاردىڭ, بانكەت زالدارىنىڭ, كومپيۋتەرلىك كلۋبتاردىڭ, اكۆاپاركتىڭ قىزمەتى توقتاتىلا تۇرادى;
2) ەسكە الۋدى وتكىزۋگە تىيىم سالىنادى;
3) ءدىني نىسانداردا, جابىق ءۇي-جايلاردا ۇجىمدىق ءىس-شارالار وتكىزۋگە تىيىم سالىنادى. مەشىتتەر, پراۆوسلاۆ شىركەۋلەرى جانە باسقا ءدىني وبەكتىلەر اۋماعىندا اشىق اۋادا بەتپەردە رەجىمىن جانە ءبىر ادامعا كەمىندە 4 مەتر ەسەبىنەن الەۋمەتتىك قاشىقتىقتى ساقتاپ وتىرۋ;
4) 30 ادامنان اسپايتىن جەكە, توپتىق دايىندىقتار ءۇشىن مادەنيەت وبەكتىلەرىنىڭ قىزمەتى شەكتەلەدى;
5) مەكتەپكە دەيىنگى بالالار ۇيىمدارىندا تەك كەزەكشى توپتاردىڭ (25 ادامنان اسپايتىن) جۇمىسىنا, بالالاردىڭ تۇزەتۋ كابينەتتەرىنىڭ, بالالاردىڭ جانە ەرەسەكتەردىڭ ءبىلىم بەرۋ ورتالىقتارىنىڭ جۇمىسىنا الدىن الا جازىلۋ بويىنشا توپتى تولتىرۋ كەزىندە 15 ادامنان اسپايتىن رۇقسات ەتىلەدى; جانە ت.ب.
قازىر وبلىستا 129212 ادام ۆاكتسينانىڭ ءبىرىنشى كومپونەنتىمەن ەگىلدى, بۇل بارلىق حالىقتىڭ قامتۋ 41.5%, ال ەكىنشى كومپونەنتپەن سونىڭ 72 613 ەگىلگەن. ۆاكتسيناتسيا سالدىرعانداردىڭ اراسىندا مەديتسينا قىزمەتكەرلەرى 99,9%, پەداگوگتار 69%, پوليتسەيلەر 97,3%, مەملەكەتتىك قىزمەتكەرلەر 70%, ونەركاسىپ كاسىپورىندارىنىڭ قىزمەتكەرلەرى, ونىڭ ىشىندە ۆاحتالىق ادىسپەن جۇمىس ىستەيتىندەر 99,9%, ستۋدەنتتەر 73% بولىپ وتىر.
سولتۇستىك قازاقستان وبلىسى