قاۋىپتى ونىمنەن قورعايتىن قۇجات

ساۋدا جانە ينتەگراتسيا مي­نيسترلىگى تەحنيكالىق رەتتەۋ جانە مەترولوگيا كوميتەتىنىڭ حابار­­لاۋىنشا, زاڭ جوباسىن ازىرلەۋ كەزىندە قاۋىپتى ءونىمدى قازاقستان نارىعىنا اينالىمعا شىعارماۋعا باسىمدىق بەرىل­گەن. وسىعان بايلانىستى تەح­نيكالىق رەتتەۋ جانە مەترولوگيا سالاسىنداعى ۋاكىلەتتى ورگاننىڭ قۇزىرەتى كەڭەيتىلىپ, وعان ونەركاسىپتىك جانە يم­پورتتىق ونىمدەردى باقىلاۋعا مۇمكىندىك بەرىلگەن. ەندى ينسپەكتورلار قاۋىپتى ونىمدەردى دۇكەن سورەلەرىنەن ىزدەپ جاتپايدى, ويتكەنى مۇنداي ونىمدەردى نارىققا جەتكەنگە دەيىن اينالىمنان شىعارۋ جولدارى وڭتايلانا ءتۇستى. «بۇل زاڭداعى جاڭاشىلدىقتىڭ ءبىرى – كامەرالدىق باقىلاۋ جۇيەسى. ينسپەكتورلار سۋبەكتىلەردى باقىلاۋدان وبەكتىلەردى باقى­لاۋعا كوشتى. وسى رەتتە باقىلاۋ سۋبەكتىسىنە (وبەكتىسىنە) بار­ماي-اق تەكسەرىس جاساۋعا بولاتىن پروفيلاكتيكالىق باقىلاۋ مەحانيزمى ىسكە قوسىلدى. باقى­لاۋعا الىناتىن نىساندار 120 ءونىم توبىنا, 180 مىڭ كاسىپكەرلىك جانە 1500 اككرەديتتەۋ سۋبەكتىسىنە كوبەيدى. بۇعان قوسا, تاۋار شىعاراتىن ۇيىمداردى ايقىندايتىن ساراپتاما ۇيىمى 40-تان استى. ال ايماقتىق ينسپەكتورلاردىڭ ناقتى قۇرامى 95 ادامدى قۇرادى», دەيدى كوميتەتتىڭ ءباسپاسوز حاتشىسى روزا اۋباكىروۆا. كامەرالدىق باقىلاۋدىڭ ماقساتى – باقىلاۋ مەن قاداعالاۋ سۋبەكتىسىنە انىقتالعان بۇزۋ­شىلىقتى شۇعىل جويۋ قۇقىعىن بەرۋ, زاڭسىز ارەكەتتىڭ جولىن كەسۋ جانە ونىڭ الدىن الۋ. زاڭ بۇزۋشىلىق انىقتالعان ساتتە اۆتوماتتى تۇردە دابىل قاعىلىپ, جۇيە ارقىلى باقىلاۋ سۋبەكتىسىنە ەلەكتروندى حابارلامالار كە­لىپ تۇسەتىندەي مۇمكىندىكتەر قاراس­تىرىلادى. «جۇيەگە ەن­گىزىلەتىن تسيفر­لى پلاتفورما قىسقا مەر­زىم ىشىندە ونىمدەردى سىناقتان وت­كىزەدى, ساراپشى-اۋديتوردىڭ ونىمگە جۇرگىزگەن تەكسەرىسىن سەر­تيفي­كاتتاپ بەرەدى جانە قانداي دا ءبىر زاڭ بۇزۋشىلىق بولسا, بىر­­دەن دابىل ىسكە قوسىلادى. جال­پى بولاشاقتا مەملەكەتتىك ورگان­داردىڭ وسىعان ۇقساس جۇيە­لەرىمەن بازانى بىرىكتىرۋ جوس­پاردا بار. ەگەر كامەرالدىق باقى­­لاۋدىڭ ايا­سى كەڭەيسە, باقى­لانا­تىن سالا­لارداعى زاڭ بۇزۋ­شى­لىق­تار اۆتوماتتى تۇردە انىق­تالادى», دەلىن­گەن ءباسپاسوز حابارلاماسىنادا.سونىمەن قاتار بىرىڭعاي اق­پاراتتىق جۇيە شەڭبەرىندە تەح­نيكالىق رەتتەۋدىڭ بارلىق پروتسەسىن اۆتوماتتاندىرۋ كوزدەلىپ وتىر. جالپى العاندا, بۇگىنگە دەيىن 90-نان استام بيزنەس-پروتسەسس, تەحنيكالىق رەتتەۋ مەن ستاندارتتاۋ جانە مەترولوگيا مەملەكەتتىك جۇيەلەرى اۆتوماتتاندىرىلعان.بۇل جۇيەگە قازستاندارت, ۇاو, سەرتيفيكاتتاۋ ورگاندارى, زەرتحانالار, تەحنيكالىق كوميتەتتەر, وقۋ ورتالىقتارى, تاعى باسقالار ەنگىزىلەدى.– اقپاراتتىق جۇيەنىڭ نەگىزگى مىندەتى – «سۇر» سەرتيفيكاتتاۋدى جويۋ, سەرتيفيكاتتاۋ پروتسەستەرىن قاداعالاۋدى قامتاماسىز ەتۋ, اۆتوماتتاندىرۋ مەن تسيفرلاندىرۋعا جاعداي جاساۋ. وسىلايشا, سايكەس­تىكتى باعالاۋعا وتىنىمدەردى قاراۋ ۋاقىتىن قىسقارتۋعا قول جەتكىزە الامىز, – دەيدى ر.اۋباكىروۆا.ەرتەڭنەن باستاپ كۇشىنە ەنە­تىن «تەحنيكالىق رەتتەۋ تۋرالى» زاڭنىڭ حالىققا پايداسى قانداي؟ تەحنيكالىق رەتتەۋدiڭ باستى قاعيداتى – ادام ءومiرi مەن دەنساۋلىعىن قورعاۋ جانە قور­شاعان ورتا, سونىڭ iشiندە وسiم­دiكتەر مەن جانۋارلار دۇنيەسi ءۇشىن ونiمدەردiڭ, پروتسەستەردىڭ جانە كورسەتىلەتىن قىزمەتتەردىڭ قاۋiپسiزدiگiن قامتاماسىز ەتۋ. دەمەك ءونىمنىڭ كورسەتىلەتىن قىز­مەتتىڭ قاۋىپسىزدىگى مەن ساپاسىنا بارىنشا كەپىلدىك بەرۋگە مۇمكىندىك جاسالادى. سونداي-اق زاڭداعى قاعيداتتار ساۋداداعى تەحنيكالىق كەدەرگىلەردى جويىپ, ساتىپ الۋشىلارعا ساپالى ءونىم مەن جوعارى دەڭگەيدەگى قىزمەتتەردى تاڭداۋعا جاردەمدەسەدى. ءبىر سوزبەن ايتقاندا, تۇتىنۋشى ساتىپ العان ءونىمىنىڭ ساپاسىنا سەنىمدى بولادى. تەحنيكالىق رەگلامەنت بويىنشا تەك ءتيىستى تالاپتاردان وتكەن, قاۋىپسىزدىگى دالەلدەنگەن ونىمدەر عانا ىشكى نارىقتا ساتىلادى. ال كامەرالدىق باقىلاۋ ار­قى­لى انىقتالعان زاڭ بۇزۋ­شى­لىقتار بويىنشا اقپاراتتىق جۇيە ۋاكىلەتتى ورگانعا شارا قول­­دانۋعا سيگنال بەرەدى, بۇل تەح­نيكالىق رەگلامەنتتەر تالاپ­تارىن ورىنداۋ جولىنداعى مەم­لەكەتتىك باقىلاۋدى جەتىل­دىرىپ, تەحنيكالىق رەتتەۋ سالاسىن­دا­عى قۇقىق بۇزۋشىلىقتار ءۇشىن اكىم­شىلىك جاۋاپكەرشىلىككە تارتۋدىڭ مەرزىمىن ارتتىرادى جانە اككرەديتتەۋ سۋبەكتىلەرىنە جۇرگىزىلەتىن تەكسەرۋلەردىڭ ەرەكشە ءتارتىبىن ەنگىزۋگە مۇمكىندىك بەرەدى.