بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا اقتوبە وبلىسىنىڭ اكىمى وڭداسىن ورازالين مالىمدەدى, دەپ حابارلايدى Egemen.kz.
«كورسەتكىش 96,2%-دى قۇرايدى. بيىل قۇنى 8,4 ملرد تەڭگە بولاتىن 28 جوبانى جۇزەگە اسىرۋ جوسپارلانىپ وتىر. بۇل جىلدىڭ قورىتىندىسى بويىنشا وبلىس حالقىنىڭ 97,3%-ىن ورتالىقتاندىرىلعان سۋمەن قامتاماسىز ەتۋگە مۇمكىندىك بەرەدى. 2025 جىلعا قاراي ءبىز حالىقتى اۋىز سۋمەن 100% قامتاماسىز ەتۋ مىندەتىن قويىپ وتىرمىز», دەدى سپيكەر.
بۇگىندە وبلىس تۇرعىندارىنىڭ 91,6%-ى گازبەن قامتاماسىز ەتىلگەن. بيىل گازبەن جابدىقتاۋ جوبالارىن ىسكە اسىرۋعا 5,9 ملرد تەڭگە قاراستىرىلعان. جىل سوڭىندا 14 اۋىلدىڭ تۇرعىندارى كوگىلدىر وتىنعا قول جەتكىزەدى. سول كەزدە حالىقتى گازبەن قامتۋ كورسەتكىشى 92,6%-عا جەتەدى.