پاۆلودار وبلىسىندا جول اپاتىندا جۇرگىزۋشى قازا تاۋىپ, جولاۋشى اۋرۋحاناعا ءتۇستى, دەپ حابارلايدى Egemen.kz.
وبلىستىق پوليتسيا دەپارتامەنتى باسپاسوز قىزمەتىنىڭ مالىمەتىنشە, 21 ماۋسىم كۇنى ساعات 11:20-دا جەرتۇمسىق اۋىلىنىڭ جانىندا «نيۆا» اۆتوكولىگىنىڭ جۇرگىزۋشىسى ءرۋلدى باسقارا الماي, «كاماز» اۆتوكولىگىمەن سوقتىعىسقان.
«جول-كولىك وقيعاسى سالدارىنان «نيۆا» كولىگىنىڭ 53 جاستاعى جۇرگىزۋشىسى العان جاراقاتىنان وقيعا ورنىندا كوز جۇمدى. اۆتوكولىكتە بولعان جولاۋشى جاراقاتىمەن اۋرۋحاناعا جەتكىزىلدى», دەيدى دەپارتامەنتتەگىلەر.
اۆتوكولىك ارنايى ايىپ تۇراعىنا قويىلدى. تەكسەرۋ جۇرگىزىلۋدە.