كاراتەدەن قازاقستان قۇراماسىنىڭ مۇشەسى ءمولدىر جاڭبىرباەۆا ەل قورجىنىنا كەزەكتى جولدامانى سالدى, دەپ حابارلايدى Olympic.kz.
ول پاريجدە ءوتىپ جاتقان ليتسەنزيالىق دودادا كۇمىس جۇلدەگەر اتاندى. 55 كەلىگە دەيىنگى سالماق دارەجەسىندە سىنعا تۇسكەن ول الەمدىك ىرىكتەۋ جارىسىندا جولداماعا يە بولدى.
ايتا كەتەيىك, بۇل كاراتەدەن قازاقستان قورجىنىنداعى ەكىنشى ليتسەنزيا. بۇعان دەيىن دارحان ءاسادىلوۆ مەرزىمىنەن بۇرىن توكيو وليمپياداسىنا جولداما جەڭىپ العان بولاتىن.