ۇلتتىق بانك بازالىق مولشەرلەمەنى 9 پايىز دەڭگەيىندە قالدىرۋدى ۇيعاردى, دەپ حابارلايدى Egemen.kz.
«قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتى جونىندەگى كوميتەتى بازالىق مولشەرلەمەنى +/-1,0 پ.ت. پايىزدىق دالىزىمەن جىلدىق 9,00 پايىز دەڭگەيىندە بەلگىلەۋ تۋرالى شەشىم جاسادى. تيىسىنشە وتىمدىلىكتى ۇسىنۋ جونىندەگى تۇراقتى قولجەتىمدى وپەراتسيالار بويىنشا مولشەرلەمە 10,00 پايىز جانە وتىمدىلىكتى الۋ جونىندەگى تۇراقتى قولجەتىمدى وپەراتسيالار بويىنشا مولشەرلەمە 8,00 پايىز بولادى.
شەشىم قىسقا مەرزىمدى جانە ورتا مەرزىمدى پەرسپەكتيۆادا ينفلياتسيا تاۋەكەلدەرىنىڭ تەڭگەرىمىن ەسكەرە وتىرىپ قابىلداندى. قازاقستاننىڭ نەگىزگى ساۋدا ارىپتەستەرى سانالاتىن ەلدەردە الەمدىك ازىق-ت ۇلىك باعالارىنىڭ وسۋىنە جانە ينفلياتسيانىڭ جەدەلدەۋىنە بايلانىستى سىرتقى ينفلياتسيالىق قىسىمنىڭ ساقتالۋى بايقالادى.
ىشكى ەكونوميكادا ىسكەرلىك بەلسەندىلىك پەن تۇتىنۋشىلىق سۇرانىستى بىرتىندەپ قالپىنا كەلتىرۋ پروتسەسى جالعاسىپ جاتىر», دەلىنگەن حابارلامادا.
ۇلتتىق بانك مالىمەتىنشە, ورتا مەرزىمدى پەرسپەكتيۆادا كازاقستانداعى ينفلياتسيانىڭ نەگىزگى تاۋەكەلدەرى ەكونوميكانى بارىنشا كۇشتى فيسكالدىق ىنتالاندىرۋمەن, ججم-گە ىشكى باعالاردىڭ ودان ءارى وسۋىمەن, الەمدىك نارىقتارداعى باعالاردىڭ ۇلعايۋى ناتيجەسىندە بارىنشا جوعارى ازىق-ت ۇلىك ينفلياتسياسىمەن جانە ىشكى ازىق-ت ۇلىك نارىعىندا تەڭگەرىمسىزدىكتىڭ تۋىنداۋىمەن, سونداي-اق دامىعان ەلدەردىڭ ورتالىق بانكتەرىنىڭ ىنتالاندىرۋدى توقتاتۋىمەن بايلانىستى بولدى.