بالتىق جاعالاۋىندا ءوتىپ جاتقان حوككەيدەن الەم چەمپيوناتىنىڭ فينالىنا قازاقستان قۇراماسىمەن ءبىر توپتا ويناعان فينليانديا مەن كانادا حوككەيشىلەرى شىقتى.
قازىرگى الەم چەمپيوندارى پلەي-وفف كەزەڭىندە چەحيا قۇراماسىن 1:0 ەسەبىمەن جەڭسە, جارتىلاي فينالدا گەرمانيا حوككەيشىلەرىنەن باسىم ءتۇسىپ (2:1), فينالعا جولداما الدى. ال كانادا حوككەيشىلەرى پلەي-وفف باسەكەسىندە رەسەي قۇراماسىن جارىستان شىعارىپ جىبەرسە (2:1), جارتىلاي فينالدا اقش-تان باسىم ءتۇستى – 4:2. ءبىر قىزىعى جارتىلاي فينالدا ۆ توبىندا ونەر كورسەتكەن 4 قۇراما باق سىنادى.
الەم بىرىنشىلىگىنىڭ قولا جۇلدەسىن اقش جانە گەرمانيا قۇرامالارى ساراپقا سالادى. ەكى قۇراما اراسىنداعى توپتىق كەزەڭدەگى ماتچتا اقش حوككەيشىلەرى 2:0 ەسەبىمەن جەڭىسكە جەتكەن بولاتىن.