الماتى قالاسىنىڭ تۋريستىك اقپاراتتىق ورتالىعى شەتەلدىك 20 بلوگەرگە بەس كۇندىك تۋر وتكىزبەكشى. وعان بيۋدجەت قارجىسىنان 26,7 ميلليونعا جۋىق تەڭگە بولىنەدى, دەپ حابارلايدى Egemen.kz.
ءباسپاسوز-تۋرى ەكى كەزەڭگە بولىنگەن. ءبىرىنشىسى بيىل 2/3 توقساندا, ەكىنشىسى 3/4 توقساندا وتكىزىلەدى. بلوگەرلەر گرۋزيا, ارمەنيا, بەلارۋس, رەسەي, ۋكراينا, تۇركيا, كورەيا, ءباا جانە گونكونگتەن شاقىرىلادى. سونداي-اق بيۋدجەت ەسەبىنەن ولاردىڭ ەلگە كەلۋ جانە كەرى قايتۋ بيلەتتەرى تولەنەدى.
بلوگ-تۋر 40 ەلدەن كەلەتىن بلوگەرلەر مەن ميلليوننان استام قارالىم جيناي الاتىن مەديا-جەكە تۇلعالاردى قامتيدى, سونىمەن قاتار 50 مىڭ جازىلۋشى اۋديتورياسى بار ميكرو-اسەر ەتۋشى ازاماتتار شاقىرىلادى.
دەپارتامەنت وكىلدەرى شەتەلدىك بلوگەرلەرمەن جۇمىس جاساۋ قازاقستان مەن الماتىعا كەلگىسى كەلەتىن تۋريستەر اعىنىن كوبەيتەدى دەپ ۇمىتتەنەدى.
الماتى قالاسى بويىنشا شولۋ ەكسكۋرسياسى مىناداي:
-قازاق حالىق مۋزىكالىق اسپاپتار مۋزەيى;
-الماتى مۋزەيى;
-28 پانفيلوۆشىلار پاركى;
-«كوك-توبە» پاركى;
-كوك بازار;
-«سۇڭقار» ترامپلين كەشەنى;
-«گۋننى» ەتنواۋىلى;
-Oi-Qaragai Lesnaya Skazka;
-Arba Wine ءجۇزىم القابى;
-«شارىن شاتقالى» مەملەكەتتىك ۇلتتىق تابيعي پاركى;
-«شىمبۇلاق» تاۋ شاڭعى كۋرورتى;
-مەدەۋ مۇز ايدىنى;
-كولساي كولى.
سونداي-اق قازاقتىڭ ۇلتتىق تاعامدارىن دايىنداۋ بويىنشا ماستەر-كلاسس وتكىزىلىپ, ۇلتتىق كيىممەن فوتوسەسسيا جاساۋعا قولونەرشىلەر شەبەرحاناسىنا جەتكىزىلەدى.
ۆەدومستۆو وكىلدەرى بلوگ-تۋر الماتى وبلىسى اۋماعى مەن قالاداعى ەپيدەميولوگيالىق جاعدايدى ەسكەرە وتىرىپ وتكىزىلەتىنىن ايتتى.