قر ءبىلىم جانە عىلىم ءمينيسترى اسحات ايماعامبەتوۆ قازاقستاندىق بۇلدىرشىندەردى مەرەكەمەن قۇتتىقتادى, دەپ حابارلايدى Egemen.kz.
«قازاقستاندىق بۇلدىرشىندەردى ءتول مەرەكەسى – بالالاردى قورعاۋ كۇنىمەن شىن جۇرەكتەن قۇتتىقتايمىن! بالالاردى قورعاۋ كۇنى – بۇل جاس ۇرپاقتىڭ قاۋىپسىزدىگى, دەنساۋلىعى, قۇقىقتارى مەن بوستاندىقتارىنا قاتىستى جاۋاپكەرشىلىك تۋرالى تاعى ءبىر مارتە ەسكە سالاتىن اتاۋلى كۇن. قازاقستان بالالار قۇقىقتارىن قورعاۋدىڭ حالىقارالىق جۇيەسىن دامىتۋعا بەلسەندى قاتىسادى», دەدى مينيستر.
سونداي-اق ەل پرەزيدەنتى بالالاردىڭ قۇقىقتارىن قورعاۋ جانە ولار ءۇشىن قولايلى جاعداي جاساۋ ءۇشىن قابىلدانىپ جاتقان شارالاردى كۇشەيتۋ مىندەتىن جۇكتەپ وتىرعاندىعىنا توقتالدى.
«البەتتە, بۇل جۇمىستاردىڭ بارلىعى مەملەكەتتىك, سونداي-اق ۇكىمەتتىك ەمەس ۇيىمدارمەن كۇندەلىكتى نەگىزدە جۇرگىزىلۋى ءتيىس. بۇگىن ۇكىمەت وتىرىسىندا بالالاردىڭ قۇقىقتارىن قورعاۋ جانە ولاردىڭ قاۋىپسىزدىگىن قامتاماسىز ەتۋ ماسەلەسى قارالدى. ينكليۋزيۆتى ءبىلىم بەرۋدى دامىتۋ, بالالاردى سەكتسيالار جانە ۇيىرمەلەرمەن قامتۋ دەڭگەيىن ارتتىرۋ, بالالار ۇيلەرىنىڭ سانىن ازايتۋ, ىستىق تاماقپەن جانە قاجەتتى جاعدايلارمەن قامتاماسىز ەتۋ, بالالار ءۇشىن قاۋىپسىز ورتا قۇرۋ سياقتى كەڭ اۋقىمدى ماسەلەلەر كوتەرىلدى. ءبىزدىڭ جۇمىسىمىزدىڭ باستى باعىتى – قازاقستاندىق بالالاردىڭ قاۋىپسىزدىگىن ساقتاي وتىرىپ, ولارعا ساپالى ءبىلىم بەرۋ. قىمباتتى بالالار, مەرەكەلەرىڭىزبەن! سىزدەرگە زور دەنساۋلىق, اماندىق تىلەيمىن. جازعى دەمالىستا كىتاپتى كوبىرەك وقىڭىزدار. دەمالىستارىڭىز جاقسى ءوتسىن!», دەپ جازدى facebook پاراقشاسىندا.