وبلىس اكىمىنىڭ وكىمىمەن قازاقستان رەسپۋبليكاسى پرەزيدەنتى اكىمشىلىگى مەن سىرداريا اۋداندىق ءماسليحاتىنىڭ كەلىسىمدەرى بويىنشا سىرداريا اۋدانىنىڭ اكىمى لاۋازىمىنا مۇرات ەرگەشباەۆ تاعايىندالدى, دەپ حابارلايدى Egemen.kz.
ايماق باسشىسى گۇلشارا ابدىقالىقوۆا اۋداندا وتكەن جيىندا جاڭا اكىمدى تانىستىردى.
مۇرات ەرگەشباەۆ 1966 جىلى قىزىلوردا قالاسىندا تۋعان. الماتى حالىق شارۋاشىلىعى ينستيتۋتىن جانە قازاقستان رەسپۋبليكاسى پرەزيدەنتىنىڭ جانىنداعى ۇلتتىق جوعارعى مەملەكەتتىك باسقارۋ مەكتەبىن بىتىرگەن.
ەڭبەك جولىن 1989 جىلى سىرداريا اۋدانىندا جامبىل كەڭشارىنىڭ ەكونوميستى رەتىندە باستاپ, سىرداريا اۋداندىق ونەركاسىپ بىرلەستىگىنىڭ ءبولىم باستىعى قىزمەتتەرىن اتقارعان. سونداي-اق وبلىستا بانك سالاسىندا ءتۇرلى باسشىلىق لاۋازىمدار اتقىرىپ, قر توتەنشە جاعدايلار مينيسترلىگىنىڭ ء«ورت ءسوندىرۋشى» اكتسيونەرلىك قوعامىنىڭ ۆيتسە-پرەزيدەنتى بولعان.
2008-2017 جىلدارى قىزىلوردا قالاسىنىڭ اكىمى, وبلىستىق قارجى باسقارماسىنىڭ باستىعى, قارماقشى جانە شيەلى اۋداندارىنىڭ اكىمى, الماتى قالاسى بويىنشا تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ ورىنباسارى, «قازاگروونىم» اكتسيونەرلىك قوعامىنىڭ باسقارۋشى ديرەكتورى, قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قىزمەتتەرىن اتقارعان.
2017 جىلعى قازان ايىنان باستاپ قازالى اۋدانىنىڭ اكىمى قىزمەتىن اتقارىپ كەلدى.