كورنەكتى جازۋشى عابيدەن ءمۇستافيننىڭ قىزى, ەلىمىزگە تانىمال اۋدارماشى مايا مۇستافينا 81 جاسىنا قاراعان شاعىندا ومىردەن وزدى, دەپ حابارلايدى Egemen.kz.
25 مامىردا كەشكە مايا مۇستافينا كوروناۆيرۋس ىندەتىنەن قايتىس بولدى. مامىردىڭ 2-سىندە ول 80 جاسقا تولعان ەدى.
«ول وتە كوپ جۇمىس ىستەگەنىنە قاراماستان, كەرەمەت انا بولدى. نە ىستەسە دە, ارقاشان وتباسىنا جەتكىلىكتى ۋاقىت بولەتىن. جانۋارلاردى قاتتى جاقسى كورەتىن ەدى. بەلسەندى ءومىر سالتىن ۇستانىپ, سپورتپەن شۇعىلداندى, وتە كوپشىل ادام بولاتىن», دەدى مايا مۇستافينانىڭ قىزى توعجان سەيفۋللينا.
مۋستافينا مايا 1941 جىلى 2 مامىردا جازۋشى عابيدەن مۋستافين مەن زەينە مۋستافينانىڭ وتباسىندا دۇنيەگە كەلگەن.
30 جىل بويى الماتى قالاسىنداعى قازىرگى قازحق جانە ءاتۋ شەت تىلدەر كافەدراسىندا ساباق بەرگەن. 80-جىلداردىڭ سوڭىنان قازكسر مۇراجايىندا (قازىرگى ورتالىق مەملەكەتتىك مۋزەي) جۇمىس ىستەدى. 90-جىلداردىڭ باسىنان ورتاسىنا دەيىن بۋيگ فرانتسۋز فيرماسىندا اۋدارماشى بولىپ جۇمىس ىستەگەن.