رەسپۋبليكا بويىنشا سۋمەن جابدىقتاۋ قىزمەتتەرىنە قولجەتىمدىلىك دەڭگەيى قالالاردا – 97,5%, اۋىلداردا – 90,1% قۇرايدى, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
ۇكىمەت حالىقتى سۋمەن جابدىقتاۋ جانە سۋ بۇرۋ قىزمەتتەرىمەن قامتاماسىز ەتۋ جۇمىستارىن جالعاستىرىپ جاتىر.
2021 جىلى بۇل ماقساتقا 125 ملرد تەڭگە قاراستىرىلعان. جىل قورىتىندىسىندا 200 مىڭعا جۋىق ادامدى وسى قىزمەت تۇرلەرىمەن قامتۋ جوسپارلانعان. ياعني, جالپى العاندا 17,86 ملن ادامدى نەمەسە رەسپۋبليكا حالقىنىڭ 95% قۇرايدى. ونىڭ ىشىندە: قالالاردا - 98%, اۋىلداردا – 91,8%.