بۇگىن قىزىلوردا قالاسىنىڭ اكىمى عانيبەك قازانتاەۆ «قىزىلوردا سۋ جۇيەسى» مەكەمەسىنە بارىپ, مەكەمەنىڭ جۇمىس تيىمدىلىگىن ارتتىرۋعا باعىتتالعان جاڭا جوبامەن تانىستى. بۇل جوبا سۋ ولشەگىش قۇرالدارىنىڭ كورسەتكىشىن قاشىقتان قابىلداۋعا مۇمكىندىك تۋعىزىپ وتىر, دەپ حابارلايدى Egemen.kz.
وسى ارقىلى مەكەمە ءداستۇرلى تۇردەگى تەكسەرىستەن يننوۆاتسيالىق تاسىلگە بەت بۇرادى. جوبانى جۇزەگە اسىرۋعا ەلىمىز بويىنشا راديومودەم ارقىلى پايدالانىلعان اۋىز سۋدىڭ مولشەرىن ەسەپتەۋدى اۆتوماتتاندىرۋدى جۇزەگە اسىرعان «Orda Rec» جشس كومەكتەسپەك.
سۋ جۇيەسى مەكەمەسىنىڭ باسشىسى مارات جاميەۆتىڭ ايتۋىنشا زاماناۋي جوبا مەكەمە قىزمەتكەرلەرىنىڭ جۇكتەمەسىن ازايتادى. اۋىز سۋعا تولەم جاساۋداعى ەلەكتروندىق ءتاسىل تۇرعىندار ءۇشىن دە ءتيىمدى.
قالا باسشىسى جاڭا جوبانىڭ ارتىقشىلىقتارى مەن كەمشىلىكتەرىن وندىرىستە تەكسەرىپ كورۋ كەرەكتىگىن باسا ايتىپ, ازىرگە سىناق رەجيمىندە تاجىريبەدەن وتكىزۋدى تاپسىردى.