ىندەتتەن ساقتانۋ ءۇشىن وسكەمەندە جان-جاقتى شارالار جاسالىپ جاتىر, دەپ حابارلايدى Egemen.kz.
كوپتەگەن نىسانداردا «Ashyq» جوباسى ىسكە قوسىلدى. ايتا كەتسەك, جوعارى وقۋ قىزمەتكەرلەرى مەن ستۋدەنتتەردىڭ دەنساۋلىقتارى ءۇشىن د.سەرىكباەۆ اتىنداعى شقتۋ «Ashyq» جوباسىنا قوسىلدى.
ۋنيۆەرسيتەت كورپۋسىنا كىرمەس بۇرىن ستۋدەنت نەمەسە مەكەمە قىزمەتكەرى ارنايى قابىرعاداعى QR-كودتى سكانەرلەپ, كەزەكشى كۇزەتشىلەرگە قوسىمشادا كورسەتىلگەن ناتيجەنى كورسەتۋى كەرەك.
ول ءۇشىن قوسىمشانى تەلەفونىڭىزعا جۇكتەيسىز. سودان كەيىن تەلەفون ءنومىرى بويىنشا ءاۆتوريزاتسيادان وتىپ, كودتى ەنگىزگەننەن كەيىن «كىرۋ رەگيستراتسياسىنا» وتىڭىز. سوڭىندا QR كودتى سكانەردەن وتكىزەسىز. بار بولعانى وسى.
قوسىمشاداعى تۇستەرگە كەلەر بولساق, جاسىل – قوزعالىستاردا ەشقانداي شەكتەۋ جوقتىعىن بىلدىرەدى. ال كوك تۇستە قوزعالىسقا شەكتەۋ بولماعانىمەن, پتر تەستى مىندەتتى ۇيىمداردا كوك مارتەبەسى بار ازاماتتارعا كىرۋگە رۇقسات ەتىلمەيدى. سارى تۇس قوزعالىستى ءىشىنارا شەكتەيدى (ازىق-ت ۇلىك دۇكەندەرىنە, دارىحانالارعا بارۋعا رۇقسات ەتىلەدى). قىزىل ادەتتەگىدەي قوزعالىستى شەكتەيدى.