نۇر-سۇلتان قالاسىندا جول اپاتىندا كولىك اۋدارىلدى, دەپ حابارلايدى Egemen.kz ەلوردا پد ءباسپاسوز قىزمەتىنە سىلتەمە جاساپ.
اپات 15 مامىردا تاڭعى ساعات 06.41-دە بولدى. Subaru Forester اۆتوكولىگىنىڭ 33 جاستاعى جۇرگىزۋشىسى ساتباەۆ كوشەسىنىڭ بويىمەن قاجىمۇقان كوشەسىنىڭ قيىلىسىندا باعدارشامنىڭ تىيىم سالاتىن بەلگىسىنە ءجۇرىپ كەتىپ, Lada ماركالى اۆتوكولىگىنە سوقتىعىستى. Subaru Forester اۋدارىلدى.
جول-كولىك وقيعاسى سالدارىنان Lada جۇرگىزۋشىسى اۋرۋحاناعا جەتكىزىلىپ, تەكسەرۋدەن كەيىن جىبەرىلدى. قازىر تەرگەۋ ءجۇرىپ جاتىر.