پولشانىڭ كەلتس قالاسىندا ءوتىپ جاتقان جاستار اراسىنداعى الەم بىرىنشىلىگىنىڭ جارتىلاي فينالدىق سايىستارى اياقتالىپ, اقتىق سىنعا جولداما العان ارۋلار تولىقتايانىقتالدى, دەپ حابارلايدى Egemen.kz.
60 كيلو سالماقتاعى جۇلدىز شاياحمەتوۆا وزبەكستاندىق ديلفۋزا بەكوۆادان باسىم تۇسسە, 75 كيلو سالماقتاعى دانا ديداي سول ەلدىڭ تاعى ءبىر وكىلى سوحيبا رۋزمەتوۆادان ايلاسىن اسىردى. تورەشىلەر تاراپىنان بۇل كەزدەسۋلەردىڭ ەكەۋىندە دە ءبىزدىڭ سۇلۋلاردىڭ ۇستەمدىگى ەش كۇمىن تۋعىزعان جوق.
ال جاسمين قيزاتوۆا (69 كيلو) پولشالىق باربارا مارچينكوۆسكاعا, اسەل ساعاتوۆا (81 كيلو) رەسەيلىك كسەنيا وليفيرەنكوعا جانە ەلدانا ءتالىپوۆا (+91 كيلو) مولدوۆالىق داريا كوزورەزگە جول بەرىپ, قولا مەدالدى قاناعات تۇتتى.