قىزىلوردا وبلىسىنداعى ارناۋلى الەۋمەتتىك قىزمەت كورسەتۋ مەكەمەلەرىنىڭ 524 مامانى ىندەتكە قارسى ەكپە الدى, دەپ حابارلايدى Egemen.kz
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى مەيرامبەك ابدىكارىموۆ مالىمدەدى.
ايماقتا جىل باسىنان بەرى الەۋمەتتىك قىزمەت كورسەتۋ ورتالىقتارىنىڭ ستاتسيونارىندا 677 ازاماتقا, كۇندىزگى بولىمشەلەردە 184 ادامعا قىزمەت كورسەتىلدى.
– قازىر بىزگە قاراستى مەديتسينالىق مەكەمەنىڭ ۇشەۋى تالسۋات ەلدى مەكەنىندە, ءبىرى قازالىدا, ەندى ءبىرى قالادا ورنالاسقان. بۇگىندە بۇل مەكەمەلەرگە وبلىستىق بيۋدجەتتەن ازىق-ت ۇلىك, ءدارى-دارمەك, كوممۋنالدىق شىعىندارى مەن باسقا دا قاجەتتىلىكتەرىنە تولىعىمەن قارجى بولىنگەن. سونداي-اق, Covid-2019 پاندەمياسىنا بايلانىستى 2-3 ايعا جەتەتىن قاجەتتى دەزينفەكتسيالىق قۇرال-جابدىقتار قورى دا دايىن, – دەدى مەيرامبەك جاقسىلىق ۇلى.