بەيبىت ءومىردىڭ تىرەگى

بۇل مانيفەست جاڭا عاسىردا بىرىككەن ۇلتتار ۇيىمىنىڭ باس اسسامبلەياسى مەن قاۋىپسىزدىك كەڭەسى سياقتى نەگىزگى ورگانداردا جوعارى رەسمي دەڭگەيگە يە بولعان ءبىرىنشى قۇجات رەتىندە تىركەلىپ, الەمنىڭ بارلىق مەملەكەتىنە تاراتىلدى. بۇل قۇجاتتا ن.نازارباەۆ الەمگە ءتونىپ تۇرعان سىن-قاتەردى, جاھاندا بولىپ جاتقان كەلەڭسىز وقيعالاردى ايتا كەلە, يادرولىق قارۋسىز الەم قۇرۋ بۇكىل ادامزاتتىڭ جانە دۇنيە ءجۇزى ءۇشىن وزەكتى ماسەلە ەكەندىگىن ايقىنداپ بەردى.

ەلباسى قازاقستاننىڭ كوپ ەتنوستىڭ باسىن قوسقان, بەيبىتشىلىگى جاراسقان, بىرلىگى مەن تىرلىگى تۇتاسقان ەل ەكەنىن كورسەتىپ قانا قويماي, مەملەكەتىمىزدىڭ جارقىن بولاشاعى ءۇشىن ءوزىنىڭ ەركىمەن سەمەي يادرولىق سىناق پوليگونىن جاپقانىن ايتىپ, ادامزاتقا «ححI عاسىر. سوعىسسىز الەم» اتتى باعدارلامانىڭ قاجەتتىگىن ورتاعا سالدى. ەلباسىنىڭ «قازىرگى كەزدەگى بىردە-ءبىر سوعىستا جەڭىمپاز بولمايدى جانە بولا دا المايدى, وندا ءبارى دە جەڭىلەدى» دەپ ايتقان تۇجىرىمى الەم جۇرتشىلىعىن جانە مەملەكەت باسشىلارىن ۇلكەن جاۋاپكەرشىلىككە شاقىراتىنى ءسوزسىز. ويتكەنى بۇگىنگى تاڭدا دۇنيە ءجۇزىنىڭ 40-تان استام مەملەكەتىندە يادرولىق قارۋ بار جانە ونىڭ سانى 13 مىڭنان اسادى. ولاردىڭ ءبارى ءبىر مەزگىلدە قولدانىلعان جاعدايدا جەر شارىنىڭ بولاشاعىنا ادامزاتتىڭ قاپەرىنە دە كىرىپ شىقپايتىن قاتەر تونەتىنى بەلگىلى. ءبىزدىڭ مەملەكەتىمىز پوليگون جابۋدان باستاپ, ءوزىنىڭ بەيبىتسۇيگىش ەل ەكەنىن تانىتا وتىرىپ, ورتالىق ازيا ەلدەرىنىڭ اۋماعىندا يادروسىز ايماق قۇرۋعا قول جەتكىزدى. قازىرگى تاڭدا قازاقستان يادرولىق نىساندارى مەن ماتەريالدارى ەڭ جوعارى قاۋىپسىزدىك جاعدايىنا جەتكىزىلگەن 20 ەلدىڭ قاتارىنا كىرىپ وتىر. ونى شىعىس قازاقستان وبلىسىندا ءىسساپاردا بولعاندا كوزىممەن كوردىم.

نۇرسۇلتان نازارباەۆتىڭ دۇنيە جۇزىنە يادرولىق قارۋدى تاراتپاۋدىڭ بىردەن-ءبىر جولى رەتىندە تومەن بايىتىلعان ۋران بانكىن قۇرۋ جوباسى قولداۋ تاۋىپ, ىسكە اسىرىلدى. بۇل جەردە ايتا كەتەتىن ءبىر كورسەتكىش – قازىرگى كەزدە ەلىمىز دۇنيەزۇزىلىك يادرولىق قاۋىمداستىقتىڭ (WNA) ساراپتاماسىنا سايكەس ۋران كەنىن وندىرۋدە الەمدە ءبىرىنشى ورىندى يەلەنسە, ونىڭ جەراستى قورى بويىنشا ەكىنشى ورىندا تۇر.

جالپى, قازاقستاننىڭ تۇڭعىش پرەزيدەنتى ن.نازار­باەۆ­تىڭ جاhاندىق سوعىستى بولدىرماۋ, مەملەكەت­ارا­­لىق قاقتىعىستاردى ديپلوماتيالىق جولدارمەن شەشۋ, يادرولىق قارۋدان باس تارتۋ, بەيبىتشىلىك پەن تاتۋ­لىق باستامالارى مەن ۇسىنىستارى جانە مەملەكەتتەر ارا­سىن­داعى كەلىسپەۋشىلىكتەردىڭ ورىندى شەشىمدەرى مەن كە­ڭەس­تەرىن قابىلداۋى الەم كوشباسشىلارىنىڭ تاراپىنان ءاردايىم قولداۋ تاۋىپ كەلەدى. نۇرسۇلتان نازارباەۆقا يادرولىق قارۋسىز الەم سالاسىنداعى سىڭىرگەن ەڭبەگى ءۇشىن حالىقارالىق ۇيلەسىمدىلىك پەن توزىمدىلىك باستاماشىلىعى مەن باسقا دا ەڭبەكتەرى جوعارى باعالانىپ, جيىرماعا جۋىق حالىقارالىق ماراپاتتىڭ بەرىلۋى – ەلىمىز ءۇشىن ۇلكەن ماقتانىش. ولاردىڭ ىشىندە ۇلىبريتانيانىڭ «اۋليە ميحايل مەن اۋليە گەورگي وردەنىنىڭ ۇلكەن كرەسى», جاپونيانىڭ «ۇلكەن تاسپاداعى حريزانتەما» وردەنى, امەريكا قۇراما شتاتتارىنىڭ «يادرولىق قاۋىپتى بولدىرماۋ باستاماشىلىعىنداعى سىڭىرگەن ەڭبەگىن قادىرلەۋ» سىيلىعى, «حيروسيما قالاسىنىڭ ەرەكشە قۇرمەتتى ازاماتى» اتاقتارى مەن كوپتەگەن ماراپات بار.

جوعارىدا اتالعان مانيفەستە ەلباسى ححI عاسىردا بولاشاق ۇرپاقتىڭ تاعدىرى مەن جارقىن كەلەشەگىنە الاڭداۋشىلىق بىلدىرەدى. تۇڭعىش پرەزيدەنت قازاقستاننىڭ وركەندەۋى, دۇنيەجۇزىندەگى الدىڭعى قاتارلى 30 مەملەكەتتىڭ تىزىمىنە ەنۋى كەلەشەكتەگى جاستاردىڭ قولىندا ەكەنىن ايتادى. ول ءۇشىن ەلىمىزدە جاستاردىڭ تەرەڭ ءبىلىم الۋلارىنا بارلىق مۇمكىنشىلىك پەن جاعداي جاسالعان. ءبىزدىڭ جاستارىمىز ەرتەڭگى كۇنگى مەملەكەت باسشىلارى, قورعانىس كەمەڭگەرلەرى جانە ءتۇرلى يننوۆاتسيالىق تەحنولوگيالىق سالالاردىڭ تۇتقاسىن ۇستايتىن ازاماتتار بولاتىنى ءسوز­سىز. تۇڭعىش پرەزيدەنتىمىزدىڭ دۇنيە جۇزىنە ارنالعان مانيفەستىن تەرەڭىنەن ءتۇسىنىپ, بەرەكە بىرلىك پەن بەيبىت ءومىر ءسۇرۋ جولىندا, ونى جۇزەگە اسىرۋعا وسكەلەڭ ۇرپاق بار كۇش-جىگەرىن سالۋى كەرەك دەپ ويلايمىن.

ەلىمىز امان, ىرگەمىز تىنىش بولىپ, شاڭىراعىمىز شاتتىققا بولەنسىن!

ەرسۇلتان بەكتۇرعانوۆ,

قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ ارنايى جوبالار قىزمەتىنىڭ جەتەكشىسى