شەكتەۋلەردىڭ ازايۋى ىندەتتىڭ ۇدەۋىنە اكەلمەسىن دەسەك...

– ەپيدەميالىق جاعدايدى باعالاۋ ول­شەم­دەرىنە سايكەس, ءوڭىر 16 ناۋرىز­دان باستاپ «جاسىل ايماقتا». تەك تەرەڭ­كول, اققۋلى جانە پاۆلودار اۋداندارى سارى ايماقتا. سوندىقتان سىرقات­تا­نۋ­شى­لىقتىڭ تومەندەۋىنە بايلانىستى بىر­قاتار جەڭىلدەتىلگەن كارانتيندىك شارا قاراستىرىلدى, – دەدى ب.اليەۆ. قابىل­دانعان شارالارعا سايكەس, تۇرعىندارعا بۇ­رى­نعىداي سانيتارلىق تالاپتى قاتاڭ ساق­تاپ, مەديتسينالىق بەتپەردە كيۋ, 65 جاستان اسقان ادامداردىڭ ۇيدە وتىرۋى ەسكەرتىلۋدە. ءوڭىر تۇرعىندارى اسىعا كۇتىپ جۇرگەن اۋىلشارۋاشىلىق جارمەڭكەسىنە پاۆلودار, ەكىباستۇز, اقسۋ قالالارىندا رۇقسات بەرىلدى. جارمەڭكەلەردە بارلىق سانيتارلىق تالاپتىڭ ساقتالۋى, اۋىلدان ءونىم اكەلۋشىلەر دە, ءونىمدى ساتىپ الۋشى قالا تۇرعىندارى دا بەتپەردە تاعۋى ءتيىس. ونىمدەردىڭ ءبارى زەرتحانالىق تەكسەرۋدەن وتەدى. بارلىق ۇجىمدا قىزمەتكەرلەردىڭ 30 پايىزى قاشىقتىقتان قىزمەت ەتۋدە. مادەنيەت نىساندارى, كينوتەاترلار, تەاتر, مۋزەي, كىتاپحانا, بيليارد, بالالار ورتالىقتارىندا 30 ادامنان اسپايتىن كولەمدە جينالۋعا رۇقسات بەرىلدى. ساۋنا, مونشالار دا اشىلدى. تولىمدىلىعىن 20 پايىزدان اسىرماي, كورەرمەندەردىڭ قاتىسۋىمەن سپورتتىق ءىس-شارالاردى وت­كى­زۋگە بولاتىنى ايتىلدى.

– ال كاراوكە, قورقور بولمەلەرى, تۇنگى كلۋبتار سياقتى ويىن-ساۋىق مەكە­مە­لەرىنىڭ جۇمىسىنا شەكتەۋ جالعاسادى, – دەدى باس سانيتارلىق دارىگەر. سونداي-اق قالالىق جانە اۋىلدىق مەكتەپتەردە بالالار سانىن 25 ادامنان اسىرماي ءداس­تۇرلى فورماتتا وقىتۋعا رۇقسات بە­رىل­­دى. توپتاردىڭ بىرىگۋىمەن ءىس-شا­را­لار وتكىزبەي, اتا-انالارى مەن ەرىپ جۇ­رە­تىن ادامداردى ەنگىزبەي, مەكتەپكە دە­يىنگى مەكەمەلەر جۇمىس ىستەي بەرەدى. با­لا­لاردى تۇزەتۋ كابينەتتەرى, بالالار مەن ەرەسەكتەرگە ارنالعان ءبىلىم بەرۋ ورتا­لىقتارى كەلۋشىلەر سانىن شەك­تە­مەيدى. تولىمدىلىعىن 30 پايىزدان اسىرماي جانە ءبىر كەلۋشىگە كەمىندە 4 شارشى مەتر ساقتالعان جاعدايدا تۇر­عىن­دار مەشىتكە بارا الادى. جاڭا قاۋ­لىعا سايكەس تولىمدىلىعىن 30 پايىزدان جانە ادام سانىن 50-دەن اسىرماي, اعايىننىڭ باسىن قوسىپ بانكەت زال­دا­رى­نىڭ قىزمەتىنە دە رۇقسات بەرىلدى. ال اشىق جانە جابىق عيماراتتاردا جاب­دىق­تاردان باسقا كورىنىستى, سپورتتىق ءىس-شارا­لاردى, وتباسىلىق, ويىن-ساۋىق, ۇجىم­دىق, كورپوراتيۆتىك شارالاردى وتكىزۋ ءۇشىن بانكەت زالدارىن جالعا الۋعا, كوپ قوناق شاقىرىپ توي جاساۋعا تىيىم سا­لى­نادى.

جالپى, وسى كۇنگە دەيىن وبلىستا 19 127 ادامنان كۆي انىقتالسا, 18 548 ناۋقاس ىندەتتەن جازىلىپ شىقتى, 17 ناۋقاس ينفەكتسيالىق اۋرۋحانالاردا ەمدە­لۋدە. قازىرگى ۋاقىتتا وبلىستا ين­فەك­تسيا­لىق اۋرۋحانالاردىڭ جۇكتەمەسى 27 پايىزدى قۇرايدى. سوڭعى كۇندەرى وبلىستا 17 ادامنىڭ ىندەت جۇقتىرعانى انىق­تالعان.

– بۇل ناۋقاستار بويىنشا ايتساق, وبلىس ورتا­لىعىندا – 8, ەكىباستۇزدا – 4, اق­سۋدا – 2, باياناۋىل اۋدانىندا – 1, شار­باقتى اۋدانىندا 2 جاعداي تىركەلگەن, – دەيدى ب.اليەۆ. ال وڭىردە قازىرگە دەيىن ۆاكتسينانىڭ ءى كومپونەنتى 5 094 ادامعا ەگىلسە, ءىى كومپونەنتى 2 424 ادامعا سالىندى. مىسالى, 198 پوليتسيا قىزمەتكەرى, 1 162 مۇعالىم, 3 128 دارىگەر, 516 ەكپە العىسى كەلگەن تۇرعىندار, 15 ستۋدەنت, 60 سوزىلمالى اۋرۋلارى بار ادام, 11 مەملەكەتتىك قىزمەتشى ەكپە العان.

– اۋرۋحانالاردا ەكپە الۋعا ەشقانداي شەكتەۋ جوق. مىسالى, 65 جاستان اسقان تۇرعىندار دا ەكپە قابىلداي الادى. ەكپە الۋ ءۇشىن ءوزى تىركەلگەن ەمحاناسىنا جازىلا­دى. تەكسەرۋدەن وتكەننەن كەيىن دارى­گەر­دىڭ رۇقساتىمەن عانا ەگىلەدى, – دەيدى باس­قارما ماماندارى.

ەكپە الۋعا قاتىستى سۇراقتار بولسا, وبلىستىق دەنساۋلىق ساقتاۋ باسقارماسى باسشىسىنىڭ WhatsApp جەلىسىندەگى 8 705 447 52 52 نومىرىنە حابارلاسۋعا بولادى.

– ءوڭىرىمىز «جاسىل ايماقتا» بولسا دا ساقتىق شارالارىن بوساڭسىتۋعا بولمايدى. ەگەر كارانتيندىك شارالار مەن شەكتەۋلەر تالاپقا ساي ساقتالماسا, احۋالدىڭ ۋشىعىپ كەتۋى ابدەن مۇمكىن. كارانتيندى تولىق شەكتەۋگە نەمەسە توقتاتۋعا ءالى نەگىز جوق, – دەيدى ب.اليەۆ.

مامانداردىڭ ايتۋىنشا, الداعى ۋا­قىتتا ادامدار بىرتىندەپ يممۋنيتەتكە يە بولا باستايدى. سوندا عانا ەپي­دە­ميالىق جاعداي وڭ كورسەتكىشكە جەتە الادى. قازىر وڭىرگە COVID-19-عا قارسى ۆاكتسينانىڭ كەزەكتى ۇلەسى كەلىپ ءتۇستى. ياعني I كومپونەنتتىڭ 4 200 دوزاسى جانە «گام-كوۆيد-ۆاك» (سپۋتنيك V) II كومپو­نەنتىنىڭ 1 300 دوزاسى جەتكىزىلگەن. دەن­ساۋلىق ساقتاۋ باسقارماسىنىڭ مالى­مە­تى بويىنشا, پرەپارات ع.سۇلتانوۆ اتىن­داعى وبلىستىق اۋرۋحانانىڭ ورتا­لىق قويماسىنا ساقتاۋعا جىبەرىلدى.

ەكپەنىڭ العاشقى لەگى وڭىرگە 31 قاڭ­تار­دا كەلىپ تۇسكەن. كەلەسى لەگى 21, 27 اق­پان­دا, 17 ناۋرىزدا جەتكىزىلگەن.

– قازىر الەمدە دە, ەلىمىزدە دە ىندەتتىڭ قاي­­تادان ءورشۋى ەسكەرتىلۋدە. ناۋرىز ايىن­دا ىندەتكە شالدىققاندار سانىنىڭ وسۋىنە مەرەكە كۇندەرىنىڭ اسەر ەتۋى مۇم­كىن ەكەنىن ايتتىق. ساۋىردە, جاز ايلارىن­دا قانداي ءوسىم بولاتىنى بەلگىسىز. ءبارى حا­­لىقتىڭ سانيتارلىق نورمالاردى ساق­تاۋىنا جانە ەكپە الۋىنا بايلانىستى, – دەدى ب.اليەۆ.

پاۆلودار وبلىسى