الماتىدا جۇمىرتقانىڭ شەكتى باعاسى بەكىتىلدى

«قۇجاتقا سايكەس, الەۋمەتتىك ماڭىزى بار ازىق-ت ۇلىك تاۋارى «تاۋىق جۇمىرتقاسىنا (I ساناتتى)» شەكتى قولجەتىمدى بولشەك باعا 30 كۇنتىزبەلىك كۇن مەرزىمگە ون داناسى ءۇشىن 487 تەڭگە مولشەرىندە بەلگىلەنىپ وتىر. بۇل شارا نارىقتاعى ءونىمنىڭ قۇنىن تۇراقتاندىرۋعا جانە ساتۋشىلاردىڭ باعالاردى نەگىزسىز كوتەرۋىنە جول بەرمەۋگە باعىتتالىپ وتىر», دەلىنگەن حابارلامادا.

سونىمەن قاتار, وتكەن جىلدىڭ سوڭىندا قاراقۇمىق جارماسى مەن قانتقا شەكتى باعا بەلگىلەۋ قالادا ءونىمنىڭ ءبىر كەلىسىنىڭ ورتاشا قۇنىن, سايكەسىنشە, 375 تەڭگەدەن 360 تەڭگەگە دەيىن جانە 256 تەڭگەدەن 252 تەڭگەنە دەيىن تومەندەتۋگە مۇمكىندىك بەرگەنى ايتىلدى.

قاۋلى رەسمي جاريالانعان كۇننەن باستاپ قولدانىسقا ەنەدى. باعالاردىڭ ساقتالۋىن الماتى قالاسى كاسىپكەرلىك جانە ينۆەستيتسيالار باسقارماسىنىڭ ماماندارى اۋدان اكىمدىكتەرىمەن بىرلەسىپ باقىلايدى. ەرەجەبۇزۋشىلىق ءبىر جىلدىڭ ىشىندە قايتالانعان جاعدايدا, 100 ايلىق ەسەپتىك كورسەتكىشتەن (291 700 تەڭگە) 200 ايلىق ەسەپتىك كورسەتكىشكە دەيىنگى (583 400 تەڭگە) مولشەردە ايىپپۇل سالىنادى.

الماتى قالاسى اكىمدىگىنىڭ قاۋلىسى بۇگىننەن باستاپ كۇشىنە ەندى.