جۇمىرتقا باعاسى نەلىكتەن قىمباتتادى؟

مينيسترلىكتىڭ ءباسپاسوز قىزمەتى تاراتقان اقپاراتتارعان قاراعاندا, 2021 جىلدىڭ 25 ناۋرىزىنداعى جاعداي بويىنشا اپتا سايىنعى ستاتيستيكالىق دەرەكتەرگە سايكەس ەل وڭىرلەرىندە 1-ساناتتاعى ون جۇمىرتقانىڭ باعاسى 340 تەڭگەدەن باستاپ 485 تەڭگەگە دەيىن قۇبىلادى. جىل باسىنان بەرى باعانىڭ ءوسۋى 11,9%-دى قۇرايدى.

ەستەرىڭىزگە سالا كەتەيىك, مەملەكەت باعانى رەتتەي الاتىن الەۋمەتتىك ماڭىزى بار تاۋارلاردىڭ تىزىمىنە تەك 1-ساناتتاعى جۇمىرتقا عانا جاتادى. باعانىڭ ءوسۋىنىڭ نەگىزگى سەبەبى قۇستاردىڭ 2020 جىلى تۇماۋدان قىرىلۋى سەبەپ بولىپ وتىر.

سونىڭ سالدارىنان 2020 جىلى جۇمىرتقا ءوندىرىسى 8,4%-عا قىسقاردى. قازاقستاننىڭ جۇمىرتقا وندىرۋشىلەرى قاۋىمداستىعىنىڭ دەرەكتەرى بويىنشا تۇماۋ سالدارىنان 2,6 ملن. مەكيەن تاۋىق قىرىلعان. باعانىڭ ءوسۋىنىڭ ەكىنشى سەبەبى – جەم-ءشوپتىڭ قىمباتتاۋى (ونىڭ ىشىندە جەمدىك استىق). جىل بويى جەم-ءشوپتىڭ قۇنى 54.4%-عا ۇلعايدى.

«وڭىرلەردە باعانىڭ ودان ءارى وسۋىنە جول بەرمەۋ ماقساتىندا جۇمىرتقا ءوندىرۋشى كومپانيالار مەن ساۋدا وبەكتىلەرى (دۇكەندەر, ساۋدا جەلىلەرى) اراسىندا جۇمىرتقا سورەلەرىنە تىكەلەي جەتكىزۋ جانە ساتۋدىڭ تىركەلگەن باعاسىن قامتاماسىز ەتۋ تۋرالى مەموراندۋمدار جاسالادى. اكىمدىكتەر باسقا دا الەۋمەتتىك ماڭىزى بار تاۋارلار بويىنشا وسىنداي جۇمىستار جۇرگىزۋدە», دەلىنگەن حابارلامادا.