بۇگىن قىزىلوردا وبلىسىنىڭ اكىمى گۇلشارا ابدىقالىقوۆا ءورت سالدارىنان نارەستەسى قازا بولعان تەكەباەۆتار وتباسىنا بارىپ, كوڭىل ايتتى.
- ورىن العان قايعىنىڭ ورنىن تولتىرۋ مۇمكىن ەمەس. جالپى سىر ەلى ءۇشىن بۇل اۋىر قازا بولدى. كوزگە كورىنگەن بالالارىمىز امان بولسىن! اللا بەرەرىن توقتاتپاسىن!, - دەدى وبلىس اكىمى گۇلشارا ابدىقالىقوۆا.
قورلاردىڭ باستاماسىمەن حالىقتان جينالعان قارجىعا ءورت سالدارىنان زارداپ شەككەن تەكەباەۆتار وتباسىنا اراي مولتەك اۋدانىنان 6 بولمەلى جاڭا جەر ءۇي بەرىلدى. ايماق باسشىسى ءۇي يەلەرىن جاڭا باسپانامەن قۇتتىقتاپ, تۇرمىسقا قاجەتتى سىيلىقتار تابىس ەتتى.
ەسكە سالايىق, 2021 جىلدىڭ 18 اقپانىندا ءال-فارابي مولتەك اۋدانى 13 كوشەسى, 11-ءشى ۇيدە ءورت وقيعاسى ورىن الدى. اتالعان مەكەن-جايعا شۇعىل جەتكەن ءورت ءسوندىرۋ بولىمىنەن 3 تەحنيكا 16 قىزمەتكەر جۇمىلدىرىپ, تولىق ءوشىرىلدى.
ءورت سالدارىنان 2020 جىلى تۋىلعان تورەحانقىزى ارداق ەسىمدى نارەستە قايتىس بولدى.
سونىمەن قاتار, اناسى 1993 جىلى تۋىلعان توقبەرگەنوۆا داميرا 1- ءشى دارەجەلى كومىر قىشقىل گازىنا ۋلانۋ جانە سول جاق بىلەكتىڭ جانە 2 الاقانىنىڭ تەرميالىق كۇيىك شالۋ ناقتاماسىمەن قالالىق اۋرۋحاناعا جاتقىزىلدى. بۇگىنگى كۇنى جاعدايى قالىپتى دەڭگەيدە.
زارداپ شەككەن كوپبالالى وتباسى اكىمدىك تاراپىنان, كاسىپكەرلەردىڭ قولداۋىمەن 1 ايعا جەتەتىن ازىق – ت ۇلىك, مەكتەپ قۇرال جابدىقتارىمەن قامتاماسىز ەتىلدى.