يندۋستريا جانە ينفراقۇرىلىمدىق دامۋ ءمينيسترى يتاليا ەلشىسىمەن جانە SDF group وكىلدەرىمەن كەزدەستى.
يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ يتاليا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى پاسكۋالە د'اۆينومەن جانە Same Deutz-Fahr group (SDF group) كومپانياسى وكىلدەرىمەن كەزدەستى.
يتاليا ەلشىسى يتاليالىق كاسىپكەرلەردىڭ قازاقستانعا دەگەن قىزىعۋشىلىعى جانە ەاەو ەلدەرى نارىقتارىنا شىعۋ مۇمكىندىگى ارتىپ كەلە جاتقانى تۋرالى حابارلادى.
تاراپتار "اگروماشحولدينگ" اق بازاسىندا يتاليانىڭ "SDF group" ترانسۇلتتىق حولدينگىنىڭ DEUTZ-FAHR اۋىل شارۋاشىلىعى تەحنيكاسىنىڭ الەمدىك برەندىنىڭ ءوندىرىسىن ورنالاستىرۋ پەرسپەكتيۆالارىن تالقىلادى.
مينيستر قازاقستاننىڭ ونەركاسىپتىك ساياساتى قۇراستىرۋ ءوندىرىسى قۇرامالارىن بارىنشا وقشاۋلاۋعا جانە وندىرىستىك كاسىپورىنداردىڭ ءتيىمدى بيزنەس-مودەلىن قۇرۋعا باعىتتالعانىن اتاپ ءوتتى.
سونىمەن قاتار, بەيبىت اتامقۇلوۆ قازاقستانداعى اۋىل شارۋاشىلىعى تەحنيكاسى پاركىن جاڭارتۋ جوسپارلارى تۋرالى ايتتى. ول قر يدم ەلدەگى اۋىل شارۋاشىلىعى تەحنيكاسىنىڭ ءىرى ءوندىرۋشىسى "اگروماشحولدينگ" اق-مەن ارادا ىنتىماقتاستىق ورناتۋدا SDF group-قا كومەك كورسەتۋگە دايىن ەكەنىن اتاپ ءوتتى.