وسكەمەن گارنيزونىندا تاۋەلسىزدىكتىڭ 30 جىلدىعىنا وراي سالاۋاتتى ءومىر سالتىن ۇستانۋ ماقساتىندا قارۋلى كۇشتەردىڭ اراسىندا شاڭعى تەبۋدەن جارىس ءوتتى.
– جارىستىڭ ماقساتى – اسكەري قىزمەتشىلەردىڭ دەنە دايارلىعىن سىناۋ. سوندىقتان دا جارىسقا سپورتپەن جۇيەلى شۇعىلداناتىن اسكەري قىزمەتشىلەر تارتىلدى, – دەدى 27943 اسكەري ءبولىمى سپورت جانە دەنە دايىندىعىنىڭ باستىعى, لەيتەنانت الماس ايدارحانوۆ.
شاڭعى جارىسىنىڭ قورىتىندىسى بويىنشا I ورىندى باسقارمانىڭ اسكەري قىزمەتشىلەرى, II ورىندى 1 موتواتقىشتار باتالونى يەلەندى. ال 2 موتواتقىشتار باتالونىنىڭ ساربازدارى III ورىندى قاناعات ەتتى.