بايقوڭىر قالاسىندا 20-شى اقپان كۇنى 2013 جىلى تۋعان ەكى بالا جوعالىپ كەتكەن بولاتىن. ەكىنشى سىنىپ وقۋشىلارى سول كۇنى كۇندىزگى 10:30 شاماسىندا «ماياك» سپورت كەشەنىنەن شىققاننان حابارسىز كەتكەن, دەپ حابارلايدى Egemen.kz.
ەرتەسىنە ءبىر بالانىڭ دەنەسى سىرداريا وزەنىنىڭ جوعارى اعىسىنداعى بايقوڭىر قالقىمالى وتكەلىنەن 500 مەتر قاشىقتان تابىلدى. ال ەكىنشىسى ءالى ىزدەستىرىلۋدە. جالپى ىزدەستىرۋ جۇمىستارىنا 267 ادام, 29 تەحنيكا, 1 تىكۇشاق جۇمىلدىرىلعان.
- جوعالعان ەكىنشى بالانى وزەننەن جانە قالا ىشىنەن ىزدەپ جاتىرمىز. ودان بولەك كينولوگيالىق قىزمەتكەرلەر وزەن جاعالۋىمەن ىزدەۋ جۇمىستارىن جۇرگىزدى. ىزدەستىرۋ جۇمىستارىن جالعاستىرا بەرەمىز, – دەدى قىزىلوردا وبلىسى تجد باستىعىنىڭ ورىنباسارى سايد مولداقاراەۆ.