دەنساۋلىق ساقتاۋ سالاسىنداعى 32 جىلدىق تاجىريبەسى بار شىمكەنتتىك تەراپەۆت قازاقستان رەسپۋبليكاسىنىڭ ۇزدىك دەنساۋلىق ساقتاۋ ماماندارى كىتابىنا ەنگەن.
اقمارال جولداسبەكوۆا - «تەراپيا» ماماندىعى بويىنشا جوعارى بىلىكتىك ساناتى بار مامان. العاش قىزمەتىن ايماقتىق دارىگەر رەتىندە باستاعان. 1996 جىلدان بەرى №2 قالالىق اۋرۋحاناسىندا ايماقتىق تەراپەۆت دارىگەرى, جالپى تاجىريبەلى دارىگەر, ايماقتىق تەراپيا ءبولىمىنىڭ مەڭگەرۋشىسى قىزمەتتەرىن اتقارعان. بۇگىنگى تاڭدا ەمحانا قىزمەتىنە جاۋاپتى مەڭگەرۋشى قىزمەتىن ابىرويمەن اتقارۋدا.
اقمارال امانگەلدىقىزى ەلىمىزدە كوروناۆيرۋستى ينفەكتسيانىڭ ورشىگەن تۇسىندا العى شەپتە جۇرگەن بىردەن-ءبىر مامان. دەنساۋلىق ساقتاۋ ءىسىنىڭ ۇزدىگى. بىرنەشە رەت وبلىستىق دەنساۋلىق ساقتاۋ باسقارماسى باسشىسىنىڭ جانە اۋرۋحانا باس دارىگەرىنىڭ قۇرمەت گراموتالارىمەن ماراپاتتالعان. 2020 جىلى شىمكەنت قالاسى اكىمىنىڭ العىس حاتىمەن ماراپاتتالعان.