قارجى ۆيتسە-ءمينيسترى تاعايىندالدى

باحتيار ديۋسەنباەۆيچ كوجاحمەتوۆ 1985 جىلى تۋعان. 2007 جىلى «اقپاراتتىق جۇيەلەر» ماماندىعى بويىنشا ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن; 2009 جىلى – ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى, بىلىكتىلىگى «اقپاراتتىق جۇيەلەر ماگيسترى»;

2011 جىلى – كارلوۆ ۋنيۆەرسيتەتى, پراگا قالاسى, بىلىكتىلىگى «دەموگرافيا جانە دەموگرافيالىق زەرتتەۋلەر ماگيسترى»; 2017 جىلى – ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتى, بىلىكتىلىگى «قۇقىق باكالاۆرى».

ەڭبەك جولىن 2004 جىلعى قاڭتاردا مەملەكەتتىك ەمەس سەكتوردا باستاعان. 2005 جىلدان 2012 جىلدار ارالىعىندا «ۇلتتىق اقپاراتتىق تەحنولوگيالار» اق ءتۇرلى قىزمەتتەر اتقاردى. 2012-2013 جىلدار ارالىعىندا قر كولىك جانە كوممۋنيكاتسيا مينيسترلىگىندە باسقارما باسشىسى.

2013-2014 جىلدارى قر كولىك جانە كوممۋنيكاتسيا مينيسترلىگىنىڭ كولىكتىك باقىلاۋ كوميتەتى توراعاسىنىڭ ورىنباسارى لاۋازىمىندا بولدى. 2015ج-«ۇلتتىق اقپاراتتىق تەحنولوگيالار» اق باسقارما باسشىسىنىڭ ورىنباسارى بولىپ قىزمەت ەتتى. 2015-2019 جىلدارى كۆازيمەملەكەتتىك كومپانيالاردا ءتۇرلى باسشىلىق قىزمەتتەر اتقاردى. 2020 جىلعى ساۋىردەن جەلتوقسان ارالىعىندا «زەردە» ۇيح اق باسقارما مۇشەسى-توراعانىڭ ورىنباسارى لاۋازىمىندا جۇمىس ىستەدى.