نۇر-سۇلتان قالاسىندا جەدەل-ىزدەستىرۋ ءىس-شارالارىن جۇرگىزۋ كەزىندە كولىكتەگى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ەسىرتكى زاتتارىن زاڭسىز ساقتاعان جانە وتكىزگەن ءبىر توپ ادامداردى انىقتاپ, ۇستادى.
ۇستالعاندار ەلوردانىڭ 36, 39, 40, 45 جانە 47 جاستاعى تۇرعىندارى بولىپ شىقتى. ولاردىڭ اراسىندا بۇرىن بىرنەشە رەت اۋىر نەمەسە اسا اۋىر قىلمىستار جاساعانى ءۇشىن سوتتى بولعاندارى دا بار. بۇل تۋرالى كولىكتەگى پد باستىعىنىڭ مىندەتىن اتقارۋشى سارىقۇل جولانوۆ مالىمدەدى.
ونىڭ ايتۋىنشا, تەكسەرۋ بارىسىندا ولاردان اقشىل-سارعىش ءتۇستى زات تابىلعان. ساراپتاماعا سايكەس, تاركىلەنگەن زاتتىڭ جالپى سالماعى 87 گراممدى قۇرايتىن «گەروين» ەسىرتكى زاتى ەكەندىگى بەلگىلى بولدى.
«كولىك پوليتسەيلەرى قر قك 296-بابىنىڭ 4-بولىگى, ياعني, اسا ءىرى مولشەردەگى ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ جانە قر قك 297-بابىنىڭ 3-بولىگى, ياعني, ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ بويىنشا سوتقا دەيىنگى تەرگەۋ جۇرگىزدى. نۇر-Cۇلتان قالاسىنىڭ مامانداندىرىلعان اۋدانارالىق تەرگەۋ سوتىنىڭ شەشىمىمەن قۇقىقبۇزۋشىلار اتالعان قىلمىستى جاساعانى ءۇشىن كىنالى دەپ تانىلىپ, 4 جىلدان 11 جىلعا دەيىن باس بوستاندىقتارىنان ايىرىلدى», دەدى پوليتسيا پولكوۆنيگى.
ەستەرىڭىزگە سالا كەتەيىك, وسى جىلدىڭ باسىنان بەرى كولىك پوليتسياسى ەسىرتكى قۇرالدارىنىڭ زاڭسىز اينالىمىنا بايلانىستى 77 ەسىرتكى قىلمىسىن انىقتادى, ونىڭ ىشىندە 10 وتكىزۋ فاكتىسى, 2 اسا ءىرى كولەمدە ساقتاۋ جانە 1 ەسىرتكى كونترابانداسىن تاسىمالداۋ.
زاڭسىز اينالىمنان 13 كگ-نان اسا ءتۇرلى ەسىرتكى زاتتارى تاركىلەندى.