شىمكەنت قالاسىندا جەكە كاسىپكەر ماكسيم تۋلين زاماناۋي كوركەمدىك جانە دەكوراتيۆتى اينەك وڭدەۋ ءوندىرىسىن كەڭەيتۋدە. جوبانىڭ باستى ەرەكشەلىگى – كاسىپكەر ەكولوگيالىق تازا ماتەريالداردان جاسالاتىن ءونىم شىعارادى. اسسورتيمەنتتىڭ تىزىمىنە فاسەت, حرومداۋ, اكۆاپرينت, اينەكتى دەكوراتيۆتى وڭدەۋ, ەكى قاباتتى تەرەزەلەردى قۇراستىرۋ جانە ءوندىرۋ سياقتى قىزمەتتەر كىرەدى.
سوڭعى جىلدارى كومپانيا كوبىنەسە ەسكى تەحنولوگيانى قولدانا وتىرىپ, مەتالل ەمەس مينەرالدى ونىمدەر وندىرەتىن. الايدا قاجەتتى جابدىقتار مەن بىلىكتى كادرلاردىڭ جەتىسپەۋشىلىگىنەن كومپانيا ءوندىرىس كولەمىن ۇلعايتا المادى.
م. تۋلين 2020 جىلى اينەك وڭدەيتىن جابدىقتى ساتىپ الۋ ءۇشىن «دامۋ» قورىنا جۇگىندى. «نۇربانك» اق 14,5%-بەن اتالعان جوبانى قارجىلاندىرسا, ونىڭ 8,5 %-ىن «دامۋ» قورى سۋبسيديالاۋدا.
بۇگىندە كومپانيا جاڭا تەحنولوگيالاردى ەنگىزىپ, ءوندىرىس كولەمىن ۇلعايتۋ باعىتىنا بەت بۇردى.