شىمكەنت قالاسىنىڭ سپورتشىلارى فريستايل اكروباتيكادان حالىقارالىق تۋرنيردە ءبىر التىن, ءبىر قولا جۇلدە جەڭىپ الدى.
اقپان ايىنىڭ 13-14 كۇندەرى ارالىعىندا اقش-تىڭ يۋتا پارك ايماعىندا فريستايل اكروباتيكادان North American Cup حالىقارالىق دوداسى ءوتتى. اتالعان دودادا شەرزود حاشيرباەۆ, يلدار بادرۋتدينوۆ, ايانا جولداس سىندى جەرلەستەرىمىز باق سىنادى.
حاشيرباەۆ 95.17 ۇپاي جيناپ, التىن جۇلدەگەر اتاندى. كۇمىس مەدال كانادالىق ەميل نادونىڭ, قولا جۇلدە امەريكالىق ەريك كريۋگەردىڭ ەنشىسىندە. ايانا جولداس جەتىنشى, يلدار بادرۋتدينوۆ سەگىزىنشى ورىندى يەلەندى.
سونداي-اق, 12-13 اقپان ارالىعىندا كراسيادا (ۋكراينا) ەۋروپا كۋبوگىنىڭ كەزەڭى باسەكەسى ءوتتى. قازاقستان ۇلتتىق قۇراما كوماندانىڭ مۇشەسى, شىمكەنت قالاسىنىڭ كەشەندى جوعارى سپورت شەبەرلىگى مەكتەبىنىڭ شاكىرتى نۇرلان باتىرباەۆ 74,03 ۇپايمەن قولا جۇلدەگە يە بولدى.