قالا اكىمى مۇرات ايتەنوۆتىڭ تاپسىرماسى بويىنشا قالا اۋماعىنداعى سۋ قويمالارىنا مونيتورينگ جاسايتىن ۋلترادىبىستىق ساۋلە تاراتقىش پەن LoRaWAN راديمودەم داتچيگى ورناتىلدى. بۇل جوبا رەسپۋبليكادا العاش رەت شىمكەنت قالاسىندا جۇزەگە اسىپ وتىر. ارنايى قۇرىلعى ۋلترادىبىستىق تولقىنداردىڭ كومەگىمەن سۋ تۇبىنەن بەتىنە دەيىنگى ءار ميلليمەتردى دالدىكپەن انىقتايدى.
ارنايى قۇرىلعى تاسقىن قاۋىپىنىڭ الدىن الۋعا, كۇندەلىكتى سۋ دەڭگەيىن انىقتاۋعا جانە بولجام جاساۋعا مۇمكىندىك بەرەدى
بۇل جونىندە ءباسپاسوز بريفينگتە توتەنشە جاعدايلار دەپارتامەنت باسشىسىنىڭ ورىنباسارى, پولكوۆنيك جانىبەك كارىمباەۆ مالىمدەدى.
–سۋ قويمالارىنا ارنايى قۇرىلعى ورناتۋ جۇمىسى «تسيفرلاندىرۋدى جانە تسيفرلىق ينفراقۇرىلىمدى دامىتۋدىڭ 2020-2021 جىلدارعا ارنالعان» جول كارتاسى نەگىزىندە قولعا الىندى. بۇل داتچيكتەر بادام, توعىس سۋ قويمالارىندا جانە بادام وزەنىنە ورناتىلدى, - دەدى جانىبەك تۇرلىبەك ۇلى.
قازىرگى تاڭدا شىمكەنتتە تاسقىن جاعدايى ءبىر قالىپتى. قالا اۋماعىنداعى سۋ قويمالارىندا تولۋ دەڭگەيى 15-42% جەتكەن. توتەتنشە جاعداي ورىن العان جاعدايدا ارتىق سۋدى قابىلداۋعا جەتكىلىكتى قور قاراستىرىلعان.
سۋ تاسقىنىنىڭ الدىن الۋ ءۇشىن شاھاردا تج جانە پوليتسيا دەپارتامەنتى, ۇلتتىق ۇلان مەن كوممۋنالدىق مەكمەلەردەن 700-گە جۋىق ادام, 48 تەحنيكا, 41 موتوپومپا جانە 17 ءجۇزۋ قۇرالى, 19 بىرلىك موتور سورعىسى ازىرلەنگەن.
سونىمەن قاتار, توتەنشە جاعدايلار كەزىندە زارداپ شەككەن تۇرعىنداردى قابىلداۋعا 129 ەۆاكۋاتسيالىق پۋنكتتەرى دايىندالعان.