«سامۇرىق-قازىنادا» «ادالدىق الاڭى» جوبالىق كەڭسەسى اشىلدى

جوبالىق كەڭسە سىبايلاس جەمقورلىق العىشارتتارىن جويۋ, پاراساتتىلىق يدەولوگياسىن ىلگەرىلەتۋ جانە قور كومپانيالارى توبىنىڭ كورپوراتيۆتىك باسقارۋىنداعى قوعامدىق باقىلاۋدى كۇشەيتۋ ماقساتىندا قۇرىلعان.

مەملەكەت باسشىسى «Samruk Business Forum» وتاندىق كاسىپكەرلەردى قولداۋ فورۋمى بارىسىندا قور نىساندارىن 2025 جىلعا دەيىن ءتيىمدى جانە اشىق جەكەشەلەندىرۋدىڭ مىندەتتى قۇرالى رەتىندە قوعامدىق باقىلاۋدى اتاپ ءوتتى.

بىرلەسكەن ءىس-شارالاردى تالقىلاۋ بارىسىندا ا.ەسىموۆ قور مەملەكەتتىڭ سىبايلاس جەمقورلىققا قارسى ساياساتىن ىسكە اسىرۋعا بەلسەندى قاتىسىپ, سىبايلاس جەمقورلىق تاۋەكەلدەرىنە ۇشىرايتىن بارلىق بيزنەس پروتسەستەرگە ەگجەي-تەگجەيلى تالداۋ جۇرگىزەتىنىن اتاپ ءوتتى. حولدينگ وسى سالادا ۇلكەن تاجىريبە جيناقتادى.

قور باسشىسى اتاپ وتكەندەي, ساتىپ الۋلار ارقاشان ەڭ سىبايلاس جەمقورلىق سالاسى بولىپ سانالدى. قابىلداعان شارالار بويىنشا اتالعان تاۋەكەلدەردى ەداۋىر تومەندەتۋگە مۇمكىندىك بەرىلدى.

قازىرگى ۋاقىتتا «سامۇرىق-قازىنا» توبىنىڭ بارلىق ساتىپ الۋلارى بىرىڭعاي ەلەكتروندىق جۇيەدە اشىق تۇردە جۇزەگە اسىرىلادى, بۇل تاپسىرىس بەرۋشى مەن ءونىم بەرۋشىنىڭ تىكەلەي بايلانىسىن بولدىرمايدى. كەز كەلگەن ادام ساتىپ الۋ جوسپارلارىمەن, تەندەرلەر قورىتىندىلارىمەن جانە جاسالعان شارتتارمەن تانىسا الادى.

ء«بىر كوزدەن ساتىپ الۋدى وتكىزۋ ءۇشىن بارلىق نەگىزدەر تۇبەگەيلى قايتا قارالدى. وسىنىڭ ەسەبىنەن تەك سوڭعى جىلدارى ءبىر كوزدەن ساتىپ الۋ 5 ەسە قىسقارىپ, باسەكەلى ساتىپ الۋ سانى 6 ەسەگە ارتتى. بۇل بيزنەس ءۇشىن ولاردىڭ اشىقتىعىن قامتاماسىز ەتە وتىرىپ, باسەكەلەستىك ورتانى ەداۋىر كەڭەيتۋگە مۇمكىندىك بەردى» - دەدى ا.ەسىموۆ.

2020 جىلدىڭ باسىنان باستاپ شارتتارعا ەلەكتروندىق تۇردە قول قويۋعا مۇمكىندىك بەرەتىن وپتسيا ەنگىزىلگەنىن اتاپ وتكەن ءجون. سونداي-اق, ورىندالعان جۇمىستاردىڭ اكتىلەرىنە قول قويۋدىڭ ەلەكتروندىق نىسانى مەن ەلەكتروندىق وتىنىشتەر ءمودۋلى ەنگىزىلدى, بۇل تەندەرگە قاتىسۋشىلارعا بۇزۋشىلىقتار تۋرالى وتىنىشتەردى قورعا ونلاين رەجيمدە جىبەرۋگە مۇمكىندىك بەرەدى.

«سامۇرىق-قازىنا» اق توراعاسى قور ءۇشىن ماڭىزدى مىندەتتەردىڭ ءبىرى – جوعارى بىلىكتى مامانداردى اشىق جالداۋدى قامتاماسىز ەتۋ ەكەنىن اتاپ ءوتتى. بۇل ءۇشىن كانديداتتاردى ىرىكتەۋدىڭ, سونىڭ ىشىندە تاۋەلسىز تەستىلەۋ مەن جەكە قاسيەتتەرىن باعالاۋدىڭ كوپساتىلى جۇيەسى ەنگىزىلدى.

بۇدان باسقا, قوردا ءتۇرلى ماماندىقتار بويىنشا وتاندىق جوعارى وقۋ ورىندارىنىڭ ۇزدىك ستۋدەنتتەرىن ىرىكتەۋگە مۇمكىندىك بەرەتىن «جاس وركەن» جانە «تسيفرلىق جاز» باعدارلامالارى تابىستى جۇمىس ىستەيدى. وسى شارالاردىڭ ناتيجەسىندە 2020 جىلى كادرلاردىڭ اۋىسۋى الدىڭعى جىلمەن سالىستىرعاندا ەكى ەسە ازايدى.

ءوز كەزەگىندە, انتيكور باسشىسى ا.شپەكباەۆ قوردىڭ «ادالدىق الاڭى» جوبالىق كەڭسەسى اياسىندا سىبايلاس جەمقورلىققا قارسى ماڭىزدى وزگەرىستەردى باستاۋعا جانە پاراساتتىلىقتى ناسيحاتتاۋعا ۇمتىلىسىن وڭ باعالادى.

«سامۇرىق-قازىنا» ۇلتتىق ءال-اۋقات قورى» «ادالدىق الاڭى» جوباسىنىڭ تاجىريبەسىن قابىلداعان قازيگوسسەكتور سۋبەكتىلەرىنىڭ اراسىندا العاشقىلاردىڭ ءبىرى بولىپ تابىلادى جانە بۇل قور باسشىلىعىنىڭ كورپوراتيۆتىك پاراساتتىلىق قاعيداتتارىن ۇستانۋىنىڭ دالەلى بولىپ تابىلادى. ونى كۇشەيتۋ ءۇشىن الدىن-الا ۆەدومستۆولىق جۇيەنى قۇرۋ وتە ماڭىزدى. بۇدان باسقا, سىبايلاس جەمقورلىقتىڭ الدىن الۋدىڭ جانە كورپوراتيۆتىك پاراساتتىلىق ستاندارتتارىنىڭ ساقتالۋىن باقىلاۋدىڭ پارمەندى تەتىگى قور 2017 جىلدان باستاپ ەنگىزگەن سىبايلاس جەمقورلىققا قارسى تاۋەلسىز كومپلاەنس-قىزمەتتەر, سونداي-اق پىسىقتالىپ جاتقان ISO 37001 سىبايلاس جەمقورلىققا قارسى ستاندارتى بولىپ تابىلادى. سىبايلاس جەمقورلىقتىڭ الدىن الۋ جونىندەگى ءتيىمدى شارا قوعامدىق كەڭەستەر قۇرۋ, ساتىپ الۋ جونىندەگى كوميسسيالارعا قوعام وكىلدەرىن قوسۋ, ەنشىلەس ۇيىمداردا سىبايلاس جەمقورلىققا قارسى كومپلاەنس-قىزمەتتەردى اشۋ جانە ولاردى كورپوراتيۆتىك ۋنيۆەرسيتەتتە وقىتۋ بولادى. سونداي - اق, كۆازيمەملەكەتتىك سەكتور سۋبەكتىلەرىنىڭ سىبايلاس جەمقورلىق ءۇشىن ساتىپ الۋلار مەن جوبالىق قارجىلاندىرۋعا جاۋاپتى تۇلعالاردىڭ شەڭبەرىن كەڭەيتىلگەنىنە نازار اۋدارامىن», - دەپ اتاپ ءوتتى ا.شپەكباەۆ.

ءىس-شارا سوڭىندا تاراپتار سىبايلاس جەمقورلىققا قارسى ءىس-قيمىل بويىنشا ىنتىماقتاستىق تۋرالى مەموراندۋمعا قول قويدى.