پوليتسيا تسيفرلاندىرۋدى جەدەل ەنگىزۋدە

ونىڭ تاعى ءبىر ارتىقشىلىعى - بۇرمالاۋشىلىقتى جويۋعا, قىلمىستىق پروتسەسكە قاتىسۋشىلاردىڭ قاشىقتىقتان سوتقا دەيىنگى تەرگەۋ ماتەريالدارىمەن تانىسۋ مۇمكىندىگىنە قول جەتكىزۋ بولىپ تابىلادى.

سقو پد باستىعىنىڭ ورىنباسارى, پوليتسيا پولكوۆنيگى ەڭبەك سەمبيننىڭ ايتۋىنا قاراعاندا وبلىستىڭ پوليتسيا بولىنىستەرىندە 138 تەرگەۋشى مەن 43 انىقتاۋشى ەڭبەك ەتۋدە. بۇگىنگى تاڭدا قىلمىستىق ىستەردى ەلەكتروندىق فورماتتا تەرگەۋ 80%-دى قۇرايدى. بۇل تسيفرلاندىرۋعا جاسالعان شەشۋشى قادام بولىپ تابىلادى. وتكەن جىلدىڭ جەلتوقسان ايىندا بۇل كورسەتكىش 51,3% قۇرادى. جىل باسىنان پوليتسيانىڭ بارلىق اۋماقتىق بولىنىستەرىمەن 603 قىلمىستىق قۇقىق بۇزۋشىلىق سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى, ونىڭ ىشىندە 481 ءىس بويىنشا ەلەكتروندىق ءتۇرى تاعايىندالدى.

بۇگىنگى تاڭدا ە-قى مودۋلىندە جايلى جانە ناتيجەلى جۇمىس ىستەۋ ءۇشىن تەرگەۋشىلەر مەن انىقتاۋشىلارعا 130 جۇمىس ورنى قۇرىلدى. جەدەل ۋاكىلدەر, يۋۆەنالدىق پوليتسەيلەر, ۋچاسكەلىك پوليتسيا ينسپەكتورلارى جانە قىلمىس جەلىسى بويىنشا ءجيى جۇمىس ىستەيتىن وزگە دە بولىنىستەردىڭ جۇمىسى ءۇشىن 90 جۇمىس ورنىن جابدىقتاۋ جوسپارلانۋدا. بۇل جاڭالىقتاردىڭ بارلىعى سولتۇستىكقازاقستاندىق پوليتسيانىڭ جۇمىسىنا تسيفرلاندىرۋدى كەزەڭ-كەزەڭىمەن ەنگىزۋدىڭ باسپالداعى بولىپ تابىلادى.

سولتۇستىك قازاقستان وبلىسى