براكونەر ۇيىنەن ۇستالدى

ونى جامبىل اۋدانى پوليتسيا ءبولىمىنىڭ تابيعاتتى قورعاۋ پوليتسەيلەرى انىقتاعان. ولار اۋىلداردىڭ بىرىندە ءۇيدىڭ ماڭىنان جىلىكتەپ بولىنگەن ءسىبىر ەلىگىنىڭ ەتىن كورگەن. اڭنىڭ تەرىسىندە وق ىزدەرى بولعان. جانۋاردى زاڭسىز اتىپ العانى ءۇشىن اۋداننىڭ 46 جاستاعى تۇرعىنى ۇستالدى. اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قر قىلمىستىق كودەكسىنىڭ 337-بابى «زاڭسىزاڭشىلىق» بويىنشا ەنگىزىلدى. كۇدىكتىگە قاتىستى مىندەتتى كەلۋ تۇرىندەگى ماجبۇرلەۋ شاراسى تاعايىندالدى. جانۋاردىڭ قالعان مۇشەلەرى, «رىس» قاردا جۇرگىشى, 12 كاليبرلى «يج-43ە» جانە«توز-87» اڭشى مىلتىقتارى, وق-دارىلەر, باسقا دا قۇرال-جابدىقتار الىندى. كۇدىكتىمەن بىرگە تاعى ەكى اۋىل تۇرعىنى بولعان. قازىرگى ۋاقىتتا بولعان وقيعانىڭ ءمان-جايىن تولىق جانە وبەكتيۆتى انىقتاۋعا باعىتتالعان سوتقا دەيىنگى تەرگەۋ جۇرگىزىلۋدە.

جىل باسىنان وبلىستا بالىق اۋلاۋ قاعيدالارىنىڭ 37 بۇزۋشىلىعى جانە اڭ اۋلاۋدىڭ 122 بۇزۋشىلىعى انىقتالدى. تابيعي رەسۋرستاردى براكونەرلىك جولمەن تابۋعا قارسى ءىس-قيمىل جاساۋ– پوليتسيا جۇمىسىنداعى ماڭىزدى باعىتتاردىڭ بىرى.

سولتۇستىك قازاقستان وبلىسى