قازاقستان رەسپۋبليكاسىنىڭ تاۋەلسىزدىك جىلدارىندا دەنساۋلىق ساقتاۋ سالاسىندا بىرقاتار رەفورمالار مەن قايتا قۇرۋلار جۇرگىزىلدى, سونىڭ ناتيجەسىندە قازاقستان رەسپۋبليكاسىنىڭ دەنساۋلىق ساقتاۋ مينيسترلىگى ۇلتتىق شۇعىل مەديتسينانى ۇيلەستىرۋ ورتالىعىمەن ء(ۇشمۇو) بىرلەسىپ, ۇزدىك حالىقارالىق تاجىريبەلەرگە سايكەس حالىققا جەدەل مەديتسينالىق كومەك قىزمەتىن جاڭعىرتۋ بويىنشا جۇمىس جۇرگىزدى.
قازاقستان رەسپۋبليكاسى دەنساۋلىق ساقتاۋ مينيسترلىگىنىڭ بۇيرىعىنا سايكەس ۇلتتىق شۇعىل مەديتسينانى ۇيلەستىرۋ ورتالىعىنا جەدەل مەديتسينالىق جاردەم ۇيىمدارىنىڭ قىزمەتىن ۇيلەستىرۋ فۋنكتسياسى بەكىتىلگەن.
بۇگىنگى كۇنى رەسپۋبليكانىڭ جەدەل مەديتسينالىق جاردەم قىزمەتى 18 دەربەس ستانتسيادان, 102 قالالىق قوسالقى ستانتسيادان جانە 259 اۋداندىق بولىمشەدەن تۇرادى.
وبلىستىق جانە قالالىق جمج ستانتسيالارىندا ءبىر اۋىسىمدا 1470 كوشپەلى جەدەل مەديتسينالىق جاردەم بريگاداسى جۇمىس ىستەيدى, ونىڭ ىشىندە 307 (21%) مامانداندىرىلعان (دارىگەرلىك) جانە 1163 (79%) فەلدشەرلىك.
2020 جىلدىڭ قورىتىندىسى بويىنشا قالالىق بولىمشەلەردە 900 بريگادا جانە اۋداندىق بولىمشەلەردە 570 بريگادا جۇمىس ىستەيدى. كوشپەلى بريگادالارمەن جاساقتالۋ 76,8 %-دى قۇرايدى. قاجەتتىلىك 445 بريگادانى قۇرايدى. جەدەل مەديتسينالىق جاردەم ستانتسيالارىنىڭ بريگادالارىمەن جاساقتالۋدىڭ تومەن پايىزى نۇر-سۇلتان قالاسىندا (54,3%), سولتۇستىك قازاقستان وبلىسىندا (57,2%), اقتوبە وبلىسىندا (58,3%) جانە باتىس قازاقستان وبلىسىندا (59,2%) بايقالادى.
رەسپۋبليكا بويىنشا مساك ۇيىمى جانىنداعى جمج بولىمشەلەرىندە 4-جەدەلدىلىك ساناتىنداعى شاقىرۋلارعا قىزمەت كورسەتۋ ءۇشىن 548 بريگادا جانە ءجىتى رەسپيراتورلىق اۋرۋ بەلگىلەرى بار, COVID-19 پنەۆمونياعا كۇدىگى بار نەمەسە اۋىراتىن شاقىرۋلارعا قىزمەت كورسەتۋ ءۇشىن 3207 موبيلدىك بريگادا جۇمىس ىستەيدى.
2020 جىلى جمج قىزمەتىنىڭ دارىگەرلىك كادرلارمەن جاساقتالۋى 80,9 %-دى قۇرادى. دارىگەرلەر ساناتىنىڭ پايىزى ارتىپ, 64,3% - دى قۇرادى. سونداي-اق, ورتا مەديتسينالىق پەرسونالدىڭ ساناتى ارتىپ, 46,8% - دى قۇرادى.
نۇر-سۇلتان, الماتى, شىمكەنت قالالارىندا جانە 13 وبلىستا شاقىرۋلاردى باسقارۋدىڭ اۆتوماتتاندىرىلعان جۇيەسىمەن جاراقتاندىرۋ دەڭگەيى 100% - دى قۇرايدى. بارلىق وڭىرلەردەگى شاقىرۋلاردى باسقارۋدىڭ اۆتوماتتاندىرىلعان جۇيەسى ءۇشمۇو اقپاراتتىق جۇيەسىمەن بىرىكتىرىلگەن.
بۇگىنگى كۇنى 2542 بىرلىك سانيتاريالىق كولىك بار, ونىڭ ىشىندە 1664 بىرلىك قالادا جانە 878 بىرلىك اۋىلدا. بارلىعى 603 رەانيموبيل, بۇل سانيتاريالىق كولىك بىرلىكتەرىنىڭ بارلىق سانىنىڭ 23,7% - ىن قۇرايدى, ونىڭ ىشىندە 455 رەانيموبيل قالادا جانە 148 رەانيموبيل اۋداندىق جمج بولىمشەلەرىندە.
2020 جىلى سانيتاريالىق كولىكتىڭ توزۋى جاڭادان ساتىپ الىنعان سانيتارلىق كولىك ەسەبىنەن 24% - عا ازايدى جانە 32% - دى (2019 ج. 12 اي - 56%) قۇرايدى. جول كارتاسى اياسىندا 2020 جىلى جەدەل مەديتسينالىق جاردەم قىزمەتى «قدب-ليزينگ» اق قارجى ليزينگى تەتىگى ارقىلى وتاندىق ءوندىرىستىڭ 1167 سانيتاريالىق اۆتوكولىگىمەن جابدىقتالدى.
مەديتسينالىق جابدىقتارمەن جاراقتاندىرىلۋ 2020 جىلى 94%-دى قۇرادى. اۋداندىق جمج بولىمشەلەرىندە مەديتسينالىق جابدىقتارمەن جاراقتاندىرىلۋى 92% - دى قۇرادى.
2020 جىلى شاقىرۋلار سانى 12,7% - عا ازايدى جانە 7 171 707 قۇرادى. 1 000 تۇرعىنعا شاققاندا شاقىرتۋلار 374,6 قۇرادى.
2020 جىلدىڭ 12 ايىندا ءساتتى رەانيماتسيا كورسەتكىشىنىڭ جاقسارعانى بايقالادى, ول 43% - دى قۇرايدى.
ەمدەۋگە جاتقىزۋعا دەيىنگى ءولىمنىڭ اقمولا وبلىسىندا (0,08% - عا) جانە قاراعاندى وبلىسىندا (0,03% - عا) تومەندەۋى ورىن الدى.
2020 جىل بۇكىل دەنساۋلىق ساقتاۋ جۇيەسىنىڭ جۇمىس جوسپارلارىنا ماڭىزدى تۇزەتۋلەر ەنگىزىلدى. جاڭا كوروناۆيرۋستىق ينفەكتسيامەن كۇرەسۋدەن باسقا, مەديتسينا قىزمەتكەرلەرى كۇن سايىن ەل تۇرعىندارىنىڭ ءومىرىن ساقتاپ, جوسپارلى جۇمىسپەن اينالىسۋدى جالعاستىردى. جەدەل مەديتسينالىق كومەك رەسپۋبليكا ازاماتتارىنىڭ دەنساۋلىعى مەن ءومىرىن ساقتاۋ ايتارلىقتاي دارەجەدە ونىڭ جۇمىسىنىڭ تيىمدىلىگىنە بايلانىستى دەنساۋلىق ساقتاۋ جۇيەسىنىڭ ماڭىزدى بۋىنى بولدى جانە بولىپ قالا بەرەدى.