قازاقستاندا 16,8 مىڭ مەديتسينا قىزمەتكەرى كوروناۆيرۋسقا قارسى ۆاكتسينالاندى.
«2021 جىلدىڭ 1-14 اقپانى ارالىعىندا 16 801 مەديتسينا قىزمەتكەرى ەكپە الدى. ۆاكتسينالاۋ بارلىق وڭىردە باستالدى, 778 ەگۋ پۋنكتەرى ازىرلەنگەن. ونىڭ ىشىندە قازىرگى ۋاقىتتا 166-سى جۇمىس جاساۋدا. بارلىق پۋنكتەر سۋىقتىق تىزبەكتى قامتاماسىز ەتۋ ءۇشىن قاجەتتى جابدىقتارمەن جابدىقتالعان. سونداي-اق 9 مىڭنان استام مەديتسينا قىزمەتكەرى وقىتىلدى», دەلىنگەن قر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ اقپاراتىندا.